بلوچستان ءِ جتاجتائیں دمگاں پاکستانی پوج، ریاستی چریک ءُ دگہ وئیلانی زمہ واری بی ایل ایف ، بی آر جی ءُ یو بی اے ءَ منّ اِتگ اَنت-
بلوچستان لبریشن پرنٹ ءِ جارکش میجر گوھرام بلوچ ءَ وتی شنگ کتگیں درشانے ءَ گوشتگ بی ایل ایپ ءِ سرمچاراں 3 مئی 2026 ءَ ھاران شھر ءَ گزی دگ ءَ برجاھیں پاکستانی پوج ءِ چوکی گوں راکٹ لانچرز ءُ گرنیڈ لانچراں نشانگ کتگ ۔ اُرش ءِ آسر ءَ پاکستانی پوج ءَ جانی ءُ مالی تاوان بوتگ۔
آئی ءَ گوشتگ کہ اُرش ءَ پد پاکستانی لشکر ءَ کش ءُ گُوراں لس آبادی ءِ سر ءَ تیرگواری کتگ ءُ کواڈکاپٹر ءِ سر ءَ سرمچارانی رندگیری ءِ جھد کتگ، شھری چیرجنگی پیش بندی آں سرچکاریں سرمچار پہ سلامتی وتی مھکمیں جاھاں سر بوتگ اَنت۔
میجر گوھرام بلوچ ءَ گوشتگ 2 مئی 2026 ءَ واشک ءِ دمگ ناگ گراڑی ءِ ھند ءَ چیریں کاروائی یے ءَ ریاست ءِ چریک کشندہ ٹولی ءِ دو کارمند امان اللہ ء جمعہ جھمنند واشک گریشگ ، ءُ سجاد ء غلام قادر جاہ منند پتک شیراز نشانگ کتگ ءُ کشتگ اَنت۔
جارکش ءَ گوشتگ کہ گل ءِ چیریں بھرگ ءَ راستیں ھال سربوتگ کہ پاکستانی پوج ءِ چیردستی ءَ کار کنوکیں کارندھاں ادارکی دگ بندی کتگ ءُ پہ زور چہ رھگوزی گاڑیاں زر گرگ ءَ ا٘نت۔ ھمے ھال ءِ رسگ ءَ پد سرمچارانی یک ھاسیں ٹولی یے ءَ وت ءَ جاہ ءَ سر کتگ ءُ دوئیں کارمند ھما جاہ ءَ کُشتگ اَنت چہ آھاں دو کلاشنکوپ ءُ یک پرپٹے دستیگ کتگ۔
جارکش ءَ گوشتگ یات بہ بیت کہ گوستگیں روچاں ناگ، گراڑی ءِ ھند ءَ بی ایل ایف ءِ دوھمی کاروائی اِنت۔ اشی ءَ پیسر 17 مارچ 2026 ءَ چیریں ھالے ءِ رد ءَ ھمے جاہ ءَ سردار الی حیدر محمد حسنی ءِ چیردستی ءَ کار کنوکیں سرور نامیں کارمندے ءِ ٹولی ھما وھد ءَ انگِر کتگ ءُ نشانگ کتگ کہ آ مزنیں دگ ءَ پہ زور زر گرگ ءَ بوتگ اَنت۔ ھمے اُرش ءَ کھور پنام ء منان ءَ ھوار سے کارمند مرتگ ءُ یک کارندھے چاکر ءِ شیر محمد دزگیر بوتگ کہ انگت ءَ گل ءِ دست ءَ اِنت۔
جارکش ءَ گْوشتگ کہ بی ایل ایف ءِ سرمچاراں 29 اپریل 2026 ءَ آواران ءِ دمگ تیرتیج ءَ برجاھیں پاکستانی پوج ءِ مزنیں بُنجل ءِ سر ءَ تُرندیں اُرشے کتگ ۔ اُرش ءِ بندات گوں اسنائپر اُرش ءَ کتگ، اسنائپر ءِ زد ءَ اتکگیں یک کارندھے ھما جاہ ءَ مرتگ۔ اسنائپر اُرش ءَ پد سرمچاراں گوں ایل ایم جی ءُ مزنیں سلاھاں بُنجل نشانگ کتگ۔ اے تُرندیں اُرش ءِ آسر ءَ زورگریں پوج ءَ گیش تاوان بوتگ۔
جارکش ءَ گوشتگ کہ مئے سرمچاراں تیرتیج کوٹوری ءِ ھند ءَ پاکستانی پوج ءِ کاروانے ءُ دگّ ءَ کار کنوکیں شرکتے ءِ پھاز داروکیں کارمند سنگر گپتگ ءُ نشانگ کتگ اَنت۔ اے اُرش ءِ بندات ءَ ھم اسنائپر اُرش ءَ یک کارمندے کشتگ ءُ اود ءَ ساڑی ئیں کارمند گوں ایل ایم جی ءُ دگہ مزنیں سلاھاں نشانگ کتگ اَنت۔ یک کارمندے مرتگ ءُ بازینے زدگ بوتگ۔
میجر گوھرام بلوچ ءَ گوشتگ 28 اپریل 2026 ءَ آواران ءِ دمگ کولواہ گیشکور ءَ زیک ءِ ھند ءَ برجاھیں پاکستانی پوج ءِ چوکی نشانگ کتگ۔ اُرش ءِ بندات گوں اسنائپر اُرش ءَ یک کارمندے کشتگ ءُ پیسر ءَ چہ سنگر گپتگیں سرمچاراں پانگس گوں مزنیں سلاھاں نشانگ کتگ ءُ گیشیں جانی ءُ مالی تاوان دات۔
جارکش ءَ گوشتگ کہ 27 اپریل 2026 ءَ مستونگ کیڈٹ کالج ءِ چوکی ءَ ساڑی ایں کارندھانی سر ءَ گوں وتکاریں سلاھاں اُرش کتگ۔ اے اُرش ءَ دو دژمنیں کارمند مرتگ۔ آئی ءَ پد سرمچاراں دگ بندی کتگ ءُ دژمن ءِ سُر پُر سرجم ءَ داشتگ اَنت۔
آئی ءَ گْوشتگ 27 اپریل 2026 ءَ دگہ یک کاروائی یے ءَ سرمچاراں مستونگ ءِ دمگ کڈکوچہ ءِ ھند مکہ ھوٹل ءَ مزنیں شھدگ سرجم ءَ گپتگ ءُ دگ بندی کتگ۔ ھمے وھد ءَ شھدگ ءِ پھازگ ءَ پہ نزیک ءَ برجاھیں عزیز چیک پوسٹ گوں مزنیں سلاھاں نشانگ کتگ ءُ پانگس ءَ ساڑی ایں چار کارمند کُشتگ۔
میجر گوھرام بلوچ ءَ گوشتگ 27 اپریل 2026 ءَ کیچ ءِ دشت ءِ ھند تلار ءُ بیری ءِ میان ءَ برجاھیں پاکستانی پوج ءِ چوکی گوں گرنیڈ لانچراں نشانگ کتگ۔ گرنیڈ لانچر نشانگ ءَ لگ ات اَنت۔ ھمے وھداں پانگس ءِ چاروگی کیمرہ تیرگواری کتگ ءُ سرجم ءَ تباہ کتگ اَنت۔ اے اُرش ءِ آسر ءَ پوج ءَ مزنیں جانی ءُ مالی تاوان بوتگ۔
میجر گوھرام بلوچ ءَ گوشتگ 24 فروری 2026 ءَ تمپ ءِ دمگ کونش کلات ءَ دژمن ءِ چریک ءُ راجی میاربار خدا بخش پنام واجو ءِ ازمائیل جاہ منند کونشکلات دزگیر کتگ۔ دزگیر کتگیں چریک دژمنیں پوج ءُ آئی ءِ چیریں ٹولیانی چاروگی ءَ ھوار بلوچ ورناھانی ءُ زوربیگواھی ءُ کوشاں تچک ءَ ھوار بوتگ۔ پٹ ءُ پول ءِ وھداں آئی ءَ وتی درھیں سلکاری منّ اتگ اَنت ۔ گناھانی منّگ ءُ راستیں سبوتانی بنیاد ءَ گل ءَ مرگ ءِ سزا داتگ ءُ شش مارچ ءَ کُشتگ۔
جارکش ءَ گوشتگ 14 مارچ 2026 ءَ دگہ یک کاروائی یے ءَ سرمچاراں کونشکلات ءَ یک گناہ گارے عادل ءِ رحمدل جھمنند کونشکلات دزگیر کتگ۔ پٹ ءُ پول ءِ وھداں آئی ءَ پہ دژمن ءَ سرمچارانی ءُ راجکاریں بلوچانی چاروگی ءُ آجوئی جھد ءِ بگیری ءَ دژمن ءِ ھمراھی منّ اتگ۔ گل ءِ ایر کتگیں رھبندانی رد ءَ گناہ ءِ پدر بوگ ءَ پد 27 مارچ ءَ تیرگواری کتگ ءُ کشتگ۔
یونائیٹڈ بلوچ آرمی ءِ جارکش مزار بلوچ ءَ وتی درشانے ءَ گوشتگ کہ سرمچاراں یک مئی ءَ شک ءِ بنیاد ءَ دورین مری ء صحبت خان مری دزگیر کتگ۔ جست ءُ پرس ءِ وھد ءَ آئی من اِتگ کہ آ سنگت شادی گل مری ءِ شھیدی ءَ گوں بوتگ۔یک اپریل ءَ آئی یک کارے ءِ نیمون ءَ سنگت شادی گل مری گوں وت برتگ ءُ آئی چاھانی تہ ءَ نشھی درمان مان کتگ کہ آ تستگ۔ رند ءَ آ کشتگ ءُ گوں وتی سنگتانی کمک ءَ آئی لاش چیریں جاھے ءَ کل کتگ۔
آئی ءَ گوشتگ کہ چہ گیش جست ءُ پرس ءَ آئی اے ھم من اِتگ کہ آسک دیر اِنت بلوچ سرمچارانی بگیری ءَ پہ ریاست ءَ کار ءَ بوتگ۔ آئی وتی لھتیں سنگتانی نام ھم گوشتگ ۔ چہ اے میارانی منگ ءَ پد بلوچ راجی آمیدگس ءَ آ مرگ ءِ سزا داتگ کہ سرمچاراں آئی سر ءَ کار کرتگ۔
آئی گوشتگ کہ گل اے وڑیں چریکاں گوں ترندی ءَ کڈن کنت کہ آ زورگریں ریاست ءِ کمکاری ءُ پوجی چوکی ءُ چہ ریاست ءِ درسیں ادارھاں وت ءَ دور بہ دار اَنت۔ اگاں نا گڑا وتی جان ءُ مال ءِ زمہ وار وت بہ اَنت۔
جارکش ءَ گوشتگ کہ ما اے وڑیں درسیں کارمندانی بابت ءَ سرپدیں کہ آ ریاست ءِ کمک ءَ کنگ ءَ اَنت۔ آ دیم ءَ مئے نشانگ ءَ بنت۔ پہ راجی میار باراں ھچ وڑ ءَ نرمی کنگ نہ بیت۔
جارکش ءَ گوشتگ کہ شھید سنگت شادی گل مری دیر اِنت کہ گوں گل ءَ بندوک بوتگ ءُ اے وھد ءَ آ کوھستانِ مری ءُ ھرنائی ءِ کوھاں سرگرم بوتگ کہ اود ءَ آئی جتائیں زمہ واری پیلو کرتگ اَنت۔ گل شھید سنگت شادی گل مری ءِ دیمونیاں ستک شانی ندر کنت۔ آئی وتی سرجمیں زند پہ جھد ءَ ندر کرتگ۔ آئی گوں گل ءَ بندوک بوگ، دیمونی دیگ پہ گل ءَ پھر اَنت۔
بلوچ ریپبلکن گارڈز ءِ جارکش دوستین بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں کچھی ءِ دمگ سنی ءَ دُژمن ءِ بُنجاھی بُنجل چاریں نیمگاں انگیر ءَ کتگ آئی ءِ سر ءَ راکٹ لانچر ءُ ایل ایم جی ءُ مزنیں سلاھاں چہ تُرندیں اُرشے کتگ- اے اُرش ءِ آسر ءَ دُژمنیں پوج ءِ بازیں کارندھے مرتگ ءُ ٹپی بیتگ اَنت-
جارکش ءَ گوشتگ اُرش ءِ میان ءَ سرمچاراں مک کتگیں چاروگی کیمرہ ھم تباہ کتگ وھدے کہ بے دلیں زورگریں پاکستانی آرمی ءَ تُرس آماچ بوتگ ءُ لَس آبادیانی سر ءَ بازیں مارٹر گولھے آس داتگ-
درشانانی گُڈی ءَ سئیں گلاں بیتگیں سرجمیں اُرشانی زمہ واری منّ اِتگ اَنت گوشتگ کہ مئے اُرش داں بلوچستان ءِ وتواجھی ءَ برجاہ بنت-