کراچی ءِ دمگ شرافی گوٹھ ءَ پاکستانی پوج ءِ نیمگ ءَ چہ بیڑبرتگ کاروائی ءِ میان ءَ یک زالبولے ءَ ھوار نُھ مردم آوار جنگ ءَ پد بیگواہ کتگ اَنت-
دمگی اِھوالکار ءِ رِد ءَ، بیگواہ کنگ بیتگیں مردمانی پجّار نصیر ءِ لوگ بانُک شکیلہ، عمران ء فیض، عدنان ء فیض، رضوان ء فیض، صابر ء فیض، نصیر ء خیر محمد، وسیم ء خیر محمد، سلمان ء شریف ءُ شھزاد ء جامل نام ءَ چہ بیتگ اَنت-
اِھوالکار ءِ رِد ءَ ھشت اپریل ءِ شپ ءَ پاکستانی پوج ءَ شرافی گوٹھ ءِ دمگ شاہ علی گوٹھ ءَ جتاجتائیں لوگانی سر ءَ بیڑبرتگ، اود ءَ چہ اے مردم آوار جتگ ءُ ناشناسیں جاھے ءَ برتگ اَنت-
بیگواہ کنگ بیتگیں مردمانی کھول ءَ وئیل راست کتگ دلپدردی درشان کتگ ءُ واکدار ءَ چہ وتی دوستناکانی پہ سلامتی یل کنائینگ لوٹ کتگ-