مند ءُ پروم ءَ پاکستانی پوج ءِ سر ءَ اُرشاں دو کارندہ کشتگ ءُ بازین ئِے ٹپی کتگ اَنت، دزگیریں پولیس کارندہ یل کتگ اَنت، میجر گوھرام بلوچ

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی ایل ایف ءِ سرمچاراں نُھ اپریل 2026 ءَ مند ءِ دمگ ردیگ ءُ مھیر ءِ میان کُڈومب ءِ ھند سر ءَ پاکستانی پوج ءِ کاروان ءِ پھازوکیں کارندہ آئی ای ڈی تراک ءَ چہ نشانگ کرتگ اَنت چریشی ءِ آسر ءَ یک کارندھے جاہ پہ جاھی مرتگ ءُ بازین ئِے ٹپی بیتگ اَنت-

جارکش ءَ گْوشتگ دگہ یک کاروائی یے ءَ سرمچاراں ھشت اپریل 2026 ءَ پنجگور ءِ دمگ پروم ٹوبہ ءِ ھند سر ءَ برجاہ فرنٹیر کور( ایف سی) ءِ بُنجل سر ءَ اُرش کرتگ – اے اُرش ھما وھد ءَ کنگ بیتگ وھدے کارندہ بُنجل ءِ واستا پھازی ٹٹ جنگ ء دلگوش بیتگ اَنت- سرمچاراں آیانی سر ءَ مزنیں سلاھاں چہ اُرش کرتگ چریشی ءِ آسر ءَ یک ایف سی کارندھے مرتگ ءُ دو ٹپی بیتگ اَنت-

جارکش ءَ گوشتگ اشی ءَ اَبید بی ایل ایف ءِ دستیگیں پولیس افسر، ڈی ایس پی انور علی گوں چُک ءَ ھوار یل کتگ – سندھ ءِ دمگ بھرام ءِ جھمنندیں ڈی ایس پی انور علی گوستگیں ماہ ءَ ھُزدار ءِ دمگ چہ کرخ ءَ یک کاروائی ءِ میان ءَ دزگیر کتگ، بی ایل ایف وتی ربیدگی بلوچ راجی اکلاکی ءُ انسانیت ءِ ھمدردی بُنیاد ءَ یل کتگ- سرمچاراں آ گوں تُرندی ءَ کڈن کتگ کہ آؤکیں وھداں زرمبشت آجوئی ءُ راج ءِ دُژمنی ءَ چہ پھریز بکنت- ما تچک کن ایں کہ مئے جنگ کسے پرد ءَ چہ نہ اِنت بلکیں سرڈگار ءِ سر ءَ زورگری ءِ نزام ءِ ھلاپ ءَ اِنت، بلے زرمشبت ءِ نپّایانی پھاز مئے اولی پرز اِنت-

گُڈی ءَ جارکش ءَ سرجمیں بیتگیں اُرشانی زمہ واری منّ اِتگ اَنت-