تربت کیچ کور ءِ ڈیم ءِ نزیک ءَ دو مردمانی لاش دزکپتگ انت ۔ پولیس ءَ ھال ءِ رسگ ءَ پد چِست کتگ ءُ ٹیچنگ ھسپتال تربت ءَ سر کتگ اَنت۔
اھوالانی رد ءَ لاشانی نزیک ءَ دست کپتگیں شناختی کاگدانی بنیاد ءَ پجار محمد صادق ء نور اللہ جھمنند ناگ زامران ءُ مسلم علی ء سکیداد جھمنند بٹ بلیدہ ءِ ناماں زانگ بیتگ انت۔ اھوالانی رد ءَ 7 ستمبر 2025 ءِ شپ ءَ اپسر ءَ یک بیڑے ءِ وھد ءَ دوئیں مردم بیگواہ بوتگ اَنت۔
ھسپتال بنشون ءِ گشگ انت کہ دوئیں مردم تیرگواری ءَ چہ بیران بوتگ انت۔
یات بہ بیت کہ گوستگیں دو ھپتگاں تربت ءَ اے وڑیں وئیل گیش بوتگ انت کہ اود ءَ تاں انوگ ءَ شش مردمانی لاش چہ جتا جتائیں ویرانیں جاھاں دزکپتگ انت کہ شھری پھناتاں زھر ءِ درشان بوھگ ءَ انت۔ پولیس ءَ وئیل ءِ پٹ ءُ پول بندات کتگ ۔