پاکستانی لشکر ءَ ایف سی کیمپ ءِ کش ءُ گور ءِ لوگاں زوت یل کنگ ءِ پرمان داتگ، نندوکیں مردمانی شکایت کتگ-
بلوچستان ءِ دمگ چہ سوراب ءَ رس اتگیں ھالانی رد ءَ پاکستانی لشکر ءَ جتاجتائیں جاھاں بیڑ برتگ ءُ بیست ءُ پنچ ءَ چہ گیش مردم دزگیر کتگ ءُ ناشناسیں جاھے ءَ برتگ اَنت۔
انگت ءَ دزگیریں مردمانی نام پدر نہ بوتگ اَنت۔
دمگی اھوالانی رد ءَ ھمے وھد ءَ پاکستانی لشکر ءَ سوراب ءِ ایف سی کیمپ ءِ نزیک ءَ لس مھلوک ءَ را لڈگ ءِ پرمان داتگ، نندوکیں مردمانی گْوشگ اِنت کہ آھاں بیھار دیگ بوتگ کہ اگاں دمگ یل کنگ نہ بیت گڑا آ نشانگ جوڑ کنگ بوت کن اَنت۔
مھلوک ءَ گشتگ آ لڈ ءُ بار کنگ ءَ لاچار کنگ بوگ ءَ انت-