ھاران ، واشک ،گوادر، کیچ ءَ پوج، بجلی ٹاور ءِ سر ءَ اُرش

بلوچستان ءِ جتا جتائیں جاھاں پوج ءُ ٹاور ءُ پولیس ءِ سر ءَ سلاہ بندیں مردماں اُرش کتگ انت-

گیشیں اھوالانی رد ءَ بلوچستان ءِ دمگ واشک ءَ سلاہ بندیں مردماں ھاران دگ ءَ پاکستانی پوج ءِ کاروان ءِ سر ءَ اُرش کتگ-

ھمے وڑ ءَ ھاران نوروز کلات ءِ ھند ءَ سلاہ بندیں مردمانی جنگ ءُ چوپ ءَ بلوچستان کانسٹیبلری ( بی سی) ءِ دو کارندہ زدگ بیتگ انت –

اھوالانی رد ءَ سلاہ بندیں مردماں ھاران ءُ نوشکی ، بسیمہ ءِ راہ ءِ سر ءَ ناکہ بندی کتگ –

ھمے وڑ ءَ کیچ تمپ ءَ ھم پنچ تراکانی توار اشکنگ بیتگ انت گمان کنگ بوگ ءَ انت سلاہ بنداں اُرز کتگ –

ھمے وڑ ءَ گوادر پسنی ءَ روکیں بجلی ءِ مزنیں دو ٹاور سلاہ بنداں نشانگ کتگ ءُ تباہ کتگ انت-

بلوچستان ءَ بلوچ سلاہ بندیں گلانی نیمگ ءَ یکشل ءَ اُرش برجاہ انت کہ اود ءَ پاکستانی پوج ءَ اُرشانی دیمپانی کنگ کپگ ءَ انت-