کچھی ءَ ریاستی ڈیتھ اسکواڈ ءِ کارندھانی کوش ءِ زمہ واری یو بی اے ءَ منّ اِتگ

یونائیٹڈ بلوچ آرمی ءِ جارکش مزار بلوچ رسانکدر ءَ شنگ کتگیں درشان ءِ تہ ءَ گْوشتگ کہ سرمچاراں گوستگیں شپ ءَ چار اپریل ءِ کچھی ءِ دمگ سنی ءَ گشت ءِ میان ءَ ڈیتھ اسکواڈ ءِ سروک فرید رئیسانی ءِ کارندھانی گوما تیرگواری رِد برجاہ بیتگ چریشی ءِ آسر ءَ ڈیتھ اسکواڈ ءِ دو کارندہ عزیز جتوئی ءُ نواب جتوئی ء محمد اشرف جتوئی جاہ پہ جاھی مرتگ اَنت وھدے کہ سلاہ دستیگ کتگ اَنت-

جارکش مزار بلوچ ءَ گوشتگ کہ اے مردم گوستگیں بازیں سالاں چہ پاکستانی پوج ءِ چیریں ادارھانی جوڑ کتگیں ڈیتھ اسکواڈ ءِ واستا کار کنگ ءَ بیتگ، اے درگت ءَ پیسر ءَ ھم بلوچ سرمچارانی نیمگ ءَ عزیز ءُ نواب تُرندیں کڈن کتگ، بلے آ سرپد نہ بیتگ آں ءُ یکشل ءَ بلوچ آجوئی لوٹوکیں سرمچارانی چاریگی ءُ آیاں ٹریک کنگ ءَ اَبید دمگ ءَ لَس شھریاں ءُ بلوچ ورنایانی دزگیری ءَ ھمگرنچ بیتگ اَنت-

جارکش ءَ دیمتر ءَ گوشتگ کہ عزیز ءُ نواب جتوئی ءُ اے وڑیں دگہ کارندھانی چاریگی ءِ سوب ءَ گوستانک ءَ بازیں بلوچ ورنایے دُژمنیں ادارھانی دست ءَ دست کپتگ اَنت-

جارکش ءَ گوشتگ کچھی ءَ اے وھد ءَ باز مردم پاکستانی چیریں ادارھانی واستا کار کنگ ءَ اَنت لھتے زمیر پروش لھتے زرانی ھاتر ءَ وتی راجدروھی کنگ ءَ اَنت ما اے وڑیں سرجمیں مردماں تُرندی ءَ کڈن کن ایں کہ آ زورگریں ریاست ءِ چاریگی ءُ پوجی چیک پوسٹوں ءُ ریاستی سرجمیں ادارھاں چہ گستا بہ بہ اِنت اگاں ناں وتی جان ءُ مال ءِ زمہ واری وت بنت-

جارکش ءَ گُڈی ءَ گوشتگ کہ ما اے وڑیں سرجمیں کارندھاں درگت ءَ سرپدیں کہ زورگریں ریاست ءِ ھمراھداری کنگ ءَ اَنت کہ آ آؤکیں وھد ءَ مئے سرمچارانی نشانگ ءَ بنت راجدروھی ءِ واستا ء ھچ وڑیں نرمی کنگ نہ بیت-