بلوچستان ءِ دمگ کیچ دشت ءَ پاکستانی پوج ءَ یک مردمے آوار جنگ ءَ پد بیگواہ کتگ-
گیشیں اھوالانی رد ءَ دشت کڈان ءَ پاکستانی پوج ءَ دکاندارے آوار جنگ ءَ پد بیگواہ کتگ-
آوار جنگ بیتگیں مردم ءِ پجار عبداللہ عادل دشتی ءِ نام ءَ زانگ بیتگ ءُ آ کڈان ءِ جھمنند انت-
دمگی مردمانی رد ءَ عبداللہ یک دکاندارے ءُ مروچی پاکستانی پوج ءَ آوار جنگ ءَ پد ناشناسیں جاھے ءَ برتگ کہ چریشی ءَ پد آئی ءِ بارو ءَ دگہ اھوال نہ بیتگ انت-
زانگ بہ بیت بلوچستان ءِ جتا جتائیں جاھاں بلوچ مھلوک ءِ آوار جنگ ءُ بیگواھیانی درچ یکشل ءَ برجاہ انت-