ریڈار تباہ ، پوجی کاروان، ایئربیس ءُ ‘ ڈیتھ ءاسکواڈ’ ءِ سر ءَ اُرش کنگ بوتگ – بی ایل اے ءَ اُرشانی ویڈیو شنگ کتگ

بلوچ لبریشن آرمی ءِ میڈیا چینل ‘ہکل’ ءَ گوستگیں روچاں (مارچ) ءَ ھمگرنچیں اُرشانی ویڈیو درچ شنگ کتگ۔

چاردہ منٹ ءَ ھواریں سریز ریڈار سسٹم ءِ تباہ کنگ، شمسی ءِ ایئربیس ءِ سر ءَ راکٹ گواری ءُ جھل مگسی، سوراب ءُ کردگاپ ءَ لوجی کاروانانی سر ءَ اُرش ءُ ھمے رنگ ءَ دشت، کڈان ءُ مستونگ ءِ پوجی کیمپانی سر ءَ اُرش گندگ بنت۔

اے سریز پنجگور ءَ سرکاری پلامرزی کتگیں ’’ ڈیتھ اسکواڈ‘‘ ءِ پوزیشنانی سر ءَ یکیں وھد ءَ اُرش ءُ کنٹرول ءُ ھمے رنگ ءَ دالبندین ءَ مڈی درگیجگ ءِ جاہ ءِ سر ءَ کنٹرول کنگ گندگ بیت۔ ویڈیو ءِ تہ ءَ فوجی گاڑیانی تباہ کنگ ھم گندگ بیت کہ ایشی ءِ تہ ءَ پاکستانی لشکر ءَ چہ دستیگ بوتگیں سلاہ ءُ دگہ جنگی سامان ھوار اَنت۔

بلوچ لبریشن آرمی ءِ جارکش جیئند بلوچ ءَ سرجمیں بیانے شنگ کتگ ءُ گشتگ کہ بلوچ لبریشن آرمی ءِ سرمچاراں 29 مارچ ءَ زیردستیں بلوچستان ءِ پھناتاں زورگیریں پاکستانی پوج ءِ سر ءَ ھمگرنچیں اُرش کتگ انت کہ تاں اپریل ءَ برجاہ بوتگ انت۔ بسیما، سبی، نصیر آباد، ڈیرہ بگٹی، مستونگ، شال، نوشکی، زمران، دشت، سوراب، جھل مگسی، دالبندین، خاران، واشک ءُ کلات کہ ایشی ءِ تہ ءَ زورگیریں لشکر ءِ 86 ءَ چہ گیش کارندہ، ڈیتھ اسکواڈ ءُ انٹیلی جنس ایجنسیانی ھواریں کارندہ کشگ ءُ درزنانی کساس ءَ زدگ کنگ بوتگ انت۔

جارکش ءَ گْوشتگ: اے اُرشانی تہ ءَ ایئربیس، ریڈار سسٹم، کمیونیکیشن ٹاور، ریل ءِ ٹریک ءُ پھل ءُ گیس ءِ پائپ لائن ھواریں زورگیریں لشکر ءِ بنجل نشانگ جوڑ کنگ بوتگ اَنت، ھمے وڑ مزنیں شاھدگانی سر ءَ کلاکانی کلاک کنٹرول برجاہ کنگ بوتگ اَنت، ھمے وڑ پنجگور ءُ زامران ءَ بی ایل اے ءِ شش سرمچار شھید بوتگ اَنت۔