بلوچ لبریشن آرمی ءِ جارکش جیئند بلوچ ءَ ھمگرنچیں اُرشانی زمہ واری من اتگ ءُ گوشتگ 29 مارچ ءَ زیردستیں بلوچستان ءِ پھناتاں زورگیریں پاکستانی لوج ءِ ھلاپ ءَ ھمگرنچیں اُرش بندات کتگ انت کہ تاں یکم اپریل ءَ برجاہ بوتگ انت۔ زامران، دشت، سوراب، جھل مگسی، دالبندین، ھاران، واشک ءُ کلات ءَ کتگ انت کہ چریشی ءَ زور گیریں لشکر، ڈیتھ اسکواڈ ءُ انٹیلی جنس ایجنسی ءِ 86 ءَ چہ گیش کارندہ بیران ءُ درجنانانی کساس ءَ ٹپی بوتگ انت۔ اے اُرشانی تہ ءَ زورگیریں لشکر ءِ کیمپ ءُ ھمے رنگ ءَ ایربیس، ریڈار سسٹم، کمیونیکیشن ٹاور، ریل ءِ ٹریک ءُ پھل ءُ گیس ءِ پائپ لائن نشانگ جوڑ کنگ بوتگ اَنت ءُ مزنیں شاھدگانی سر ءَ ساھتانی ساھت کنٹرول برجاہ داشتگ اَنت۔
جارکش ءَ گوشتگ زورگیریں لشکر ءَ میڑ ءِ وھد ءَ پنجگور ءَ مئے پنچ سنگت ، سنگت زاھد ، سنگت سعید اللہ ، سنگت جھانزیب ، سنگت عامر ءُ سنگت صدام ءَ ، ھمے وڑ زامران ءَ سنگت عبدوست (عبد الرحمان) ءَ شھید بیتگ انت ۔
سرجمیں:
جارکش ءَ گوشتگ 29 مارچ: یک شمبے ءِ روچ ءَ نیم شپ ءَ سرماچاراں پنجگور ءَ زورگیریں پاکستانی لشکر ءِ جوڑ کتگیں “ڈیتھ اسکواڈز” ءِ پناہ گاھانی سر ءَ اُرش کتگ ءُ پنچ جاگہ ءَ گوں زورگیریں لشکر ءَ جنگ ءُ چوپ بوتگ۔ سرمچاراں گرمکان ءِ دمگ ءَ ڈیتھ اسکواڈ ءِ کارندہ شاھد ءِ پناہ گاہ ءِ سر ءَ اُرش کتگ ءُ جنگ ءُ چوپ ءَ پد بنجل وتی کنٹرول کنگ ءَ سوبین بوتگ انت۔ اے اُرش ءَ ڈیتھ اسکواڈ ءِ دو کارندہ بیران بوتگ اَنت ءُ شاہد گوں وتی دگہ کارندھاں چہ درکپگ ءَ سوبین بوتگ۔ سرمچاراں فوجی کاردار شاھد ءِ دو گاڑی سوتکگ انت ءُ آئی ای ڈی شورواں گوں پناہ گاہ تباہ کتگ۔
جارکش ءَ گوشتگ سرمچارانی دگہ گلے ءَ گرمکان ءِ دمگ ءَ “ڈیتھ اسکواڈ” ءِ سروک کلیم اللہ ءِ پناہ گاہ ءِ سر ءَ اُرش کتگ۔ پانزدہ منٹ ءِ تہ ءَ سرمچاراں کلیم اللہ ءِ پناہ گاہ ءِ سر ءَ دستیگ کنگ ءَ سوبین بوتگ انت بلے زورگیریں لشکر ءِ کارندہ وتی دگہ ھمراھانی ھمراھی ءَ چہ اود ءَ درکپگ ءَ سوبین بوتگ انت۔ سرمچاراں آئی ای ڈی ءِ شورواں گوں پناہ گاہ ءَ تباہ کنگ ءِ وھد ءَ پناہ گاہ ءِ سرویلنس کیمرہ ءَ ھوار سئے گاڑی سوتکگ انت۔ زورگیریں لشکر ءَ گرمکان ءَ پیادگ ءُ گاڑیانی ھواری ءَ دیم ءَ روگ ءِ جھد کتگ کہ سرمچاراں اُرش بندات کتگ۔ اے میڑ ءَ زورگیریں لشکر ءِ چار کارندہ بیران ءُ بازیں ٹپیگ بوتگ اَنت ءُ بی ایل اے ءِ یک سرمچارے سنگت زاہد پنام ءِ نواز ءَ شھید بیتگ۔
جارکش ءَ گوشتگ دگہ یک دراجیں جنگے گوں زورگیریں لشکر ءَ گرمکان ءُ وشبود ءِ نیام ءَ بوتگ کہ اود ءَ زورگیریں لشکر دمگ ءِ کش ءُ گور ءَ دیم ءَ آیگ ءِ جھدے کتگ۔ اے دراجیں جنگ ءَ کم چہ کم زور گیریں لشکر ءِ شش کارندہ بیران ءُ بازینے ٹپیگ بوتگ اَنت ءُ بی ایل اے ءِ دو سرمچار سنگت سعید اللہ پنام ءِ معراج ءُ سنگت جھانزیب پنام ءِ قمبر جان شھید بوتگ اَنت۔ خدا آبادان ءَ سرمچاراں ” ڈیتھ اسکواڈ” ءِ سروک فرحان ءِ پناہ گاہ ءِ سر ءَ اُرش کتگ ءُ کنٹرول کتگ۔ اے اُرش ءَ ڈیتھ اسکواڈ ءِ چار کارندہ بیران بوتگ اَنت وھدے کہ چہ پناہ گاہ ءَ 8 جتا جتائیں سلاہ داستیگ کتگ اَنت ءُ پناہ گاہ آئی ای ڈی شورواں چہ پناہ گاہ تباہ کنگ بوتگ۔ ھمے میڑ ءِ تہ ءَ سنگت عامر پنام ءِ خالد شھید بوتگ۔ ھمے جاہ ءَ گوں زورگیریں لشکر ءَ دراجیں جنگ ءُ چوپ بوتگ ا کہ ایشی ءِ تہ ءَ دژمن ءِ چار کارندہ جاہ پہ جاہ ءَ مرتگ انت ءُ بازینے ٹپیگ بوتگ اَنت ءُ سنگت شاویز ٹپیگ بوتگ۔ آئی ءَ را ٹپیگیں جاوراں سرمچاراں درکنگ ءَ سوبین بوتگ انت، بلے سنگت صدام پنام ءِ شاویز ءَ دومی روچ ءَ شھید بیتگ۔
سرمچاراں فٹبال چوک ءِ جاہ بستگ ءُ سنیپ چیکنگ بندات کتگ۔ اے وھد ءَ “ڈیتھ اسکواڈ” ءِ گاڑی ءِ سر ءَ اُرش کنگ بوتگ کہ ایشی ءِ آسر ءَ چار کارندہ جاہ ءَ بیران بوتگ اَنت۔ پد ءَ زورگیریں لشکر ءَ گْوشگ بوتگیں جاہ ءِ سر ءَ دیم ءَ روگ ءِ جھد کُتگ کہ ایشی ءِ سر ءَ تھرمل ءُ دگہ نوکیں سلاھاں گوں بندوکیں سرمچاراں اُرش کُتگ ءُ دیم ءَ آیگ ءِ جھد کتگ۔ اے اُرش ءَ زورگیر لشکر ءِ بازیں کارندہ بیران ءُ ٹپیگ بوتگ اَنت۔ اے کارروائیانی تہ ءَ سرمچاراں زورگیریں لشکر ءِ چار کواڈ کاپٹر تیرگواری کتگ ءُ دو ایم فور، پنچ کلاشنکوف، یک ایل ایم جی، یک آر پی جی ءُ یک تھرمل اسکوپ دستیگ کتگ انت۔
29مارچ: سرمچاراں کیچ ءِ دمگ شاپک ءَ زورگیریں پاکستانی لشکر ءِ مزنیں بنجل گوں مزنیں ءُ وتکاریں سلاھاں نشانگ جوڑ کتگ۔ نیم کلاک ءَ برجاہ بوتگیں اے اُرش ءَ زورگیریں لشکر ءِ سئے کارندہ بیران بوتگ اَنت ءُ دژمن ءَ گیشتر تاوان ءُ مادی تاوان رس اتگ۔ جنگولاں واشک ءِ دمگ بسیمہ ءَ روتینکو ءَ زورگیریں لشکر ءِ پوسٹ ءِ سر ءَ اُرش کتگ۔ چل ءُ پنچ منٹ ءَ گیش ءِ اُرش ءَ زورگیریں لشکر ءِ دو کارندہ جاہ ءَ بیران بوتگ ءُ گیشتر تاوان ءُ مادی تاوان بوتگ۔
سبی ءِ دمگ مل سریانی ءَ بجلی ءِ مین ٹرانسمیشن لائن ءِ سئے ٹاور تراکناکیں شوروانی گون ءَ تباہ کنگ بوتگ اَنت۔ نصیر آباد ءِ دمگ ڈیرہ مراد جمالی ءِ نزیک ءَ بجلی ءِ مین ٹرانسمیشن لائن ءِ دو ٹاور تباہ بوتگ انت۔ سبی ءِ دمگ لمجی ءَ سرمچاراں اُرش ءَ زورگیریں لشکر ءِ کاروان نشانگ جوڑ کتگ ءُ مردم بیران بوتگ اَنت۔ ڈھاڈر ءَ سرمچاراں شھدگ ءِ سر ءَ چیک پوائنٹ جوڑ کتگ ءُ سنیپ چیکنگ کتگ۔ سبی ءِ کٹ منڈائی ءِ دمگ ءَ سرمچاراں دو کلاک ءَ چہ گیش شھدگ ءِ سر ءَ کنٹرول کتگ ءُ سنیپ چیکنگ کتگ۔
مستونگ ءِ دمگ کانک ءَ سرمچاراں لیویز پوسٹ ءِ دستیگی کتگ ءُ اود ءَ سلاہ دستیگ کتگ انت ءُ پوسٹ ءُ گاڑی سوتگ انت ۔ شال ءِ دمگ زداعت کالونی ءَ سرمچاراں زورگیریں پاکستانی لشکر ءِ بنجاھی بنجل ءُ ملٹری انٹیلی جنس ءِ کارگس نشانگ جوڑ کتگ انت۔ سرمچاراں دژمن ءِ پوزیشنانی سر ءَ دستی بمب آس داتگ انت۔ تراکانی آسر ءَ زورگیریں لشکر ءِ دو کارندہ مرتگ ءُ پنچ دگہ ٹپیگ بوتگ اَنت۔ شال ءِ شھر اختراباد ءَ سرمچاراں پولیس ءِ گاڑی گوں دستی بمبے ءِ نشانگ جوڑ کتگ۔ سرمچاراں شال ءِ تیرہ میل ءِ دمگ ءَ پنچ جاہ ءَ ریل ءِ پھلاں ھوار ٹریک ءُ شال ایریگیشن کالونی ءِ نزیک ءَ ریل ءِ ٹریک چار جاہ ءَ آئی ای ڈی شورواں گوں تباہ کتگ۔
بسیما ءِ دمگ لاتھاڑ ءِ ھند ءَ یکشمبے ءِ شپ ءَ سرمچاراں زورگیریں لشکر ءِ بنجل نشانگ جوڑ کتگ۔ سرمچاراں گوں تھرمل اسکوپ، وتکار ءُ مزنیں سلاھاں دژمن ءِ سر ءَ اُرش کتگ کہ ایشی ءِ آسر ءَ زورگیریں لشکر ءِ دو کارندہ جاہ ءَ مرتگ انت ءُ گیشتر تاوان ءُ مال ءُ مڈی ءِ تاوان بوتگ انت۔ نوشکی ءَ سرمچاراں ریل ءِ ٹریک بٹو لانڈی، احمد وال ءُ گومازی ءِ پنچ جاھاں تراکناکیں شورواں گوں تباہ کتگ۔ ڈیرہ بگٹی ءَ سوئی شھر ءِ محمد کالونی ءَ گیس ءِ پائپ لائن گوں تراک کنوکیں شورواں گوں تباہ کنگ بوتگ۔
زامران ءَ سرمچاراں زورگیریں پاکستانی لشکر ءِ بنجاھی سرکیزہ آپ تنک ءَ جتا جتائیں نیمگاں چہ نشانگ جوڑ کتگ۔ یک کلاکے ءَ برجاہ بوتگیں اے اُرش ءَ سرمچاراں مزنیں ءُ نوکیں سلاہ کارمرز کتگ اَنت ءُ اے درگت ءَ سرمچار عبدوست عزیز پنام ءِ المان شھید بوتگ۔ زورگیریں لشکر ءَ کاروانانی دروشم ءَ دمگ ءَ دیم ءَ روگ ءِ جھد کتگ کہ سرمچاراں دو جاہ ءَ اُرشانی تہ ءَ نشانگ جوڑ کتگ۔ اے اُرشانی تہ ءَ سرجم ءَ زورگیریں لشکر ءِ پنچ کارندہ مرتگ اَنت۔ سوراب ءَ سرمچاراں مزن شھدگ ءِ سر ءَ زورگیریں لشکر ءِ کاروان ءِ سر بستگ ءُ نشانگ جوڑ کتگ کہ ایشی ءِ آسر ءَ زورگیریں لشکر ءِ چار کارندہ مرتگ انت۔ اے وھد ءَ زورگیریں لشکر ءَ کواڈ کاپٹر کارمرز کتگ کہ یکے سرمچاراں تیر گواری کتگ ءُ دور داتگ۔
30مارچ: جھل مگسی ءَ سرمچاراں کوٹرو ءِ تھانہ ءِ سر ءَ اُرش کتگ ءُ دستیگ کتگ ءُ یک کارمندے دزگیر کتگ ءُ اے جنگ ءُ چوپ ءَ یک کارندھے بیران ءُ ایس ایچ او ءَ ھوار دو کارندہ ٹپیگ بوتگ اَنت۔ زورگیریں لشکر ءَ اے وھد ءَ لس مھلوک ءَ را سپر ءِ بستار ءَ کارمرز کتگ بلے سرمچاراں وتی آپریشن سوبمندیں رنگے ءَ سرجم کتگ ءُ ھمے وھد ءَ لس مھلوک ءِ تاوان ءَ چہ ھم رکّ اِتگ۔ پد ءَ دزگیریں پولیس ءِ کارندہ دمگ ءِ پیرینانی لوٹ ءِ رد ءَ یل کنگ بوتگ۔ شپ ءَ پاکستانی زورگیریں لشکر ءِ ھشت گاڑیانی کاروان ءَ دیم ءَ روگ ءِ کوشست کتگ کہ کوٹرو نورانی روڈ ءَ سرمچاراں نشانگ جوڑ کتگ انت۔ اے اُرش ءَ زورگیریں لشکر ءِ 9 کارندہ مرتگ ءُ دہ ءَ چہ گیش ٹپیگ بوتگ اَنت۔ دژمن ءِ دو گاڑی سرجمی ءَ تباہ بوتگ اَنت وھدیکہ دگہ سئے گاڑیاں تاوان رس اتگ اَنت۔سرمچاراں یک گاڑی یے ءَ چہ ڈرون، مارٹر شیل ءُ دگہ جنگی سامان برتگ ءُ بے کاریں گاڑی سوتکگ ۔
دالبندین، سیاہ چنگ ءَ سرمچاراں لیویز ءِ پوسٹ ءِ سر ءَ اُرش کتگ ءُ دستیگ ءُ کارندہ دزگیر کتگ انت۔ مائننگ سائٹ جاہ کنٹرول ءَ گرگ بوتگ ءُ کمپنی ءِ مشینری سوچگ بوتگ انت ءُ لیویز ءِ کارندہ چہ ھال ءُ اھوال ءَ پد یل کنگ بوتگ اَنت۔ آپریشن ءِ تہ ءَ 14 سلاہ ءُ گاڑی دستیگ کتگ انت۔ خاران ءَ پتکن ءَ زورگیریں پاکستانی لشکر ءِ بنجل ءِ سر ءَ مارٹر شیل ءُ راکٹاں گوں اُرش کتگ چریشی ءَ دژمن ءَ مزنیں تاوان ءُ مادی تاوانے رس اِتگ۔ واشک ءَ سرمچاراں شمسی ایئر بیس ءِ سر ءَ بازیں بی ایم 12 راکٹ آس داتگ انت کہ آ وتی ٹارگٹاں سوبمندیں رنگے ءَ سر بوتگ اَنت۔ شال ءَ روکپتی بائی پاس ءِ سر ءَ گیس ءِ پائپ تراکناکیں شورواں گوں تباہ کتگ۔
31مارچ: سبی ءَ رھوتی ٹاور تباہ کتگ۔ کیچ ءِ دمگ دشت ءَ کڈان ءَ سرمچاراں دمگ ءَ کنٹرول گپتگ ءُ لیویز اسٹیشن ءُ نادریں کارگس دستیگ کتگ انت ءُ آیانی سلاہ برتگ انت۔ زورگیریں لشکر ءِ بنجل ءُ بکتر بندیں گاڑی ءِ سر ءَ اُرشانی تہ ءَ سرجم ءَ 7 کارندہ مرتگ انت۔ کلات ءِ منگچر شھر ءَ سرمچاراں یکیں وھد ءَ 9 جاہ نشانگ جوڑ کتگ ءُ اے اُرشانی تہ ءَ 8 کارندہ مرتگ اَنت۔ منگچر کالج ءَ زورگیریں لشکر ءِ بنجاھی بنجل ءِ سر ءَ بی ایل اے ءِ برزی ءُ ڈرون وارفیئر یونٹ ”کھر“ ءَ پنچ ڈرون اُرش ءَ نشانگ جوڑ کتگ ءُ سئے کارندہ بیران ءُ پنچ ٹپیگ بوتگ اَنت۔
سوراب ءِ شھر ءَ بینچہ ءِ ھند ءَ سنگر گپتگ ءُ زورگیریں لشکر ءِ سر ءَ اُرش کتگ ءُ دو کارندہ کشتگ اَنت۔ لکھپاس ءِ مستونگ ءَ پوسٹ ءِ سر ءَ اُرش ءَ چہ چار کارندہ مرتگ اَنت ۔ کمبیلا ءَ ریڈار ءِ نزام تباہ کتگ ءُ دو کارندہ مرتگ انت۔ مارو ءِ مستریں کیمپ ءِ سر ءَ اُرش ءَ سئے کارندہ مرتگ اَنت۔ اسپلینجی ءَ بی ایل اے ءِ اسنائپر ءَ یک کارندھے کشتگ۔ مستونگ ءِ دمگ گرگینہ ءَ دو پوسٹانی سر ءَ اُرش ءَ سئے کارندہ مرتگ اَنت وھدیکہ شال ءُ تپتان ءِ شھدگ چار کلاک ءَ کنٹرول ءَ دارگ بوتگ۔ تربت ءَ ایم آئی ءِ کارگس ءِ سر ءَ دستی بمبے آس داتگ انت ۔ شال ھزار گنجی ءَ ایم آئی ایجنٹ احتشام گجر کشتگ۔
یکم اپریل: زامران، نوانو ءَ زورگیریں لشکر ءِ راشن ءِ برگ ءِ گاڑی ناکارہ کنگ بوتگ ءُ موٹر سائیکل ءِ سر ءَ سواریں کارندہ آئی ای ڈی ءَ نشانگ جوڑ کتگ انت۔ نوشکی ءَ یک ھالیگیں فوجی پوسٹے گوں تراکناکیں شورواں تباہ کتگ۔
شھیدانی اھوال
شھید سنگت زاھد پنام ءِ نواز ء شیر محمد ءِ سیادی گوں پنجگور ءِ دمگ گچک ءَ بوتگ۔ 2016 ءَ سلاہ بندیں آجوئی ءِ جُنز ءَ ھوار بوتگ ءُ 2023 ءَ بلوچ لبریشن آرمی ءِ بھر جوڑ بوتگ۔سنگت زاھد یک بے ترسیں سرمچار ءُ تجربہ کاریں سرمچارے بوتگ کہ آئی ءَ گچک، کیلکور، اورناچ، رخشان ءُ پنجگور ءِ پڑاں گوں دژمن ءَ جنگ کتگ۔ شھید سنگت سعید اللہ پنام ءِ معراج ء عدل جان ءِ واشک ءِ دمگ راگے ءَ گوں سیادی داریت۔ آئی ءَ 21 اپریل 2025 ءَ بلوچ لبریشن آرمی ءَ ھوار بوتگ ءُ گوارگو ءُ پنجگور ءِ پڑاں سر ءَ یک پیشگامے ءِ بستار ءَ وتی ھمت ءِ منانک دات۔ شھید سنگت جھانزیب پنام ءِ کمبر ء بھرام ءِ سیادی گوں نوکاباد، تسپ پنجگور ءَ بوتگ۔ جنوری 2025 ءَ بی ایل اے ءَ ھوار بوتگ ءُ راجی آجوئی ءِ جھد ءِ بھر جوڑ بوتگ۔ آئی ءِ لکری ازم ءُ لشکری بستار ءَ ناگاھو ءُ پنجگور ءِ پڑاں دژمن ءَ را پروشی ءِ دیمپانی کتگ۔
شھید سنگت عامر پنام خالد ء ڈاکٹر عبدالوھید ءِ سیادی گوں پنجگور ءِ دمگ خدابادان ءَ بوتگ۔ 2022 ءَ چہ بلوچ لبریشن آرمی ءَ ھوار بوتگ ءُ شھری گوریلا ءِ بستار ءَ راجی آجوئی ءِ جنگے کتگ۔ 2024 ءَ آ کوہ ءِ دیم ءَ شتگ ءُ کیلکور، گوارگو، پروم ءُ پنجگور ءِ دیم ءَ ارزشت داریں ھزمت کتگے۔ شھید سنگت صدام پنام ءِ شاویز ء الطاف ءِ سیادی گوں کیچ ءِ دمگ کلگ ءَ بوتگ۔ آئی ءَ 2025 ءَ بلوچ لبریشن آرمی ءَ ھوار بوتگ۔آ یک مھنتی سرمچارے بوتگ کہ آئی ءَ وتی جنگی ھنر ءَ گوں سنگر ءِ وھد ءِ تہ ءَ دژمن ءِ ھلاپ ءَ بازیں سوبمندیں مشن سرجم کتگ انت۔ شھید سنگت عبدوست عزیر (عبدالرحمان) پنام المان ء ملا اصغر ءِ سیادی گوں تمپ ءِ دمگ کوھاڈ ءَ بوتگ۔ 2018 ءَ بلوچ سلاہ بندیں آجوئی لشکر ءِ بھر جوڑ بوتگ ءُ 2019 ءَ بلوچ لبریشن آرمی ءِ تہ ءَ ھوار بوتگ۔آ بی ایل اے “فتح اسکواڈ” ءِ ایلیٹ یونٹ ءِ باسک بوتگ ءُ وتی جنگی ھنر ءِ سوب ءَ پیشگام ءِ بھر بوتگ۔
سنگت عبدوست مدام جھد ءِ املی درور ات۔ زورگیریں لشکر ءَ وتی ایجنٹانی وسیلگ ءَ تئی ھاندان ءَ را مچانکی سزا ءِ رد ءَ نشانگ جوڑ کتگ ات کہ ایشی ءِ تہ ءَ تئی ناکو مصدق ءِ شھیدی ھم ھوار بوتگ بلے تو چہ وتی آجوئی ءِ لیکہ ءَ پد نہ کپتگ ئے۔ سنگت عبدوست ءِ مزن کنگ ءَ آئی ءِ مات بی بی عمیرہ ءَ کتگ کہ آ یک آجوئی دوستیں مردمے بوتگ۔ آئی ءَ نہ ایوک ءَ وتی چُک ءَ را نزیاتی درس داتگ بلکیں پہ بلوچ جھدکاراں یک کارکنے ءِ بستار ءَ مدام دیم ءَ اوشتاتگ۔
بلوچ لبریشن آرمی گوں “ڈیتھ اسکواڈز” ءَ ھمگرنچیں مردماں موہ دنت کہ آ وتی بلوچ کشیں کاراں یل بہ کن اَنت ءُ سرنڈر بہ کن اَنت، اگاں ناں بلوچ لبریشن آرمی آیانی ھلاپ ءَ سرجمیں زور کارمرز کنت ءُ آیاں گڈی آسر ءَ سر کنت۔ اے ھمگرنچیں اُرشانی تہ ءَ زورگیریں لشکر ءَ جھل مگسی ءَ راج ءَ را سپر ءِ رنگ ءَ کارمرد کنگ ءِ کوشست کتگ پمیشکا راج ءَ را زور گیریں لشکر ءَ چہ دوری ءِ دارگی اِنت۔ مئے ھمگرنچیں اُرش داں آزات ءُ وت واجھیں بلوچستان ءِ دیم ءَ آیگ ءَ گوں سرجمیں زور ءُ ترندی ءَ برجاہ مان اَنت-