بلوچستان لبریشن فرنٹ ءِ جارکش میجر گوھرام بلوچ ءَ وتی درشان ءَ گوشتگ کہ بی ایل ایف ءِ سرمچاراں 3 اپریل 2026 ءَ نوشکی زنگی ناوڑ ءَ پولیس چوکی ءِ سر ءَ اُرش کتگ ءُ سرجم ءَ دستیگ کتگ۔ اے کاروائی ءِ میان ءَ چوکی ءِ درستیں پولیس دزگیر کتگ اَنت ءُ جست ءُ پرس کتگ اَنت ءُ سرکاری وتاس ءَ ھوار آدگہ درستیں پوجی ساز ءُ سامان پل اتگ اَنت۔ رند ءَ پولیس پہ انسانی ھمدردی ءِ بنیاد ءَ یل داتگ اَنت ءُ چوکی مانداشتگ۔
آئی ءَ گوشتگ کہ دگہ یک کاروائی ءِ بی ایل ایف ءِ سرمچاراں یک اپریل 2026 ءَ نوشکی ءِ ھند احمد وال ءَ شھدگ بستگ۔ اے دگ بندی ءِ بنیادی مول زورگریں پوج ءُ آئی ءِ کمکارانی ترّ ءُ گرد ءِ دارگ ءُ گل ءِ مھکمی ءِ برجاہ دارگ بوتگ۔
جارکش ءَ گوشتگ بلوچستان لبریشن فرنٹ اے دوئیں کاروائیانی زمہ واریاں منّ ایت۔