بلوچستان ءِ جتاجتائیں دمگ گوادر ُءُ کیچ ءَ دو مردم آوار جنگ ءُ بیگواہ کنگ بیتگ اَنت وھدے کہ یکے یل کنگ بیتگ-
گیشیں ھالانی رد ءَ سی یک مارچ 2026 ءَ کیچ ءِ دمگ بلیدہ ءِ ھند میناز ءَ پاکستانی پوج ءِ چیردستی ءَ کارکنوکیں ڈیتھ اسکواڈ کارندھاں بیڑبرتگ ھپدہ سالی ئیں شھیک ء رحیم بخش آوار جتگ ءُ بیگواہ کتگ-
ھمے وڑ بیست ھشت مارچ 2026 ءَ تیاب دپی شھر گوادر ءِ دمگ پسنی بس اسٹاپ ءَ پاکستانی پوج ءِ چیریں ادارہ ایم آئی کارندھاں بیست یک سالی ئیں نور خان ء نظر محمد جھمنند سردشت کلانچ پسنی نام ءَ چہ بیتگ-
دوئینانی آوار جنی ءِ گپ بی وائی سی ءَ راست کتگ اَنت-
ھمے وڑ ھژدہ مارچ 2026 چہ تربت ءَ کولواھی بازار ءَ آوار جنگ بیتگیں ممتاز بلوچ ء دلبود جھمنند آواران دوشی یل کنگ بیتگ –