میان اُستمان ءِ انسانی ھکانی گچینی نمائندگ میری لالر ءَ زالبولیں انسانی ھکانی جھدکار ڈاکٹر صبیحہ بلوچ ءُ آئی ءِ کھول ءِ سر ءَ برجاھیں آزار ءُ اذیت ءُ جرم لیکگ ءِ سر ءَ سکا باز دلپدردی درشان کتگ۔
میری لالر کہ انسانی ھکانی پھریزوکی ءِ جاور ھال ءِ رپورٹنگ ءُ شور ءُ سلاہ ءِ زمہ وار انت آئی ءَ وتی بیان ءَ گشتگ کہ من ءَ بلوچ یکجھتی کمیٹی ءِ برجاھیں نشانگ کنگ ءِ ھال ھم رسگ ءَ انت۔ آئی ءِ گشگ ءِ رد ءَ اے کارروائی تچک ءَ ہمے واستا کنگ بوہگ ءَ انت کہ اے مردم ءُ گل پہ انسانی ھکانی دیمروئی ءُ پھریزگ ءَ امن ءُ ایمنی ءِ راہ ءَ وتی توار ءَ چست کنگ ءَ انت۔
آئی ءَ اے گپ ءِ سر ءَ زور پر داتگ کہ انسانی ھکانی پھریزوک ءِ ھلاپ ءَ آزار ءُ آئی ءِ ھلاپ ءَ کانود ءِ کارروائی نہ منگی انت ءُ اے وڑیں کارروائی زوت بند کنگ بہ بنت۔