بلوچستان ءِ دمگ ھُزدار ءِ تھسیل زھری ءِ دمگ سوھندہ ءَ پاکستانی پوج ءِ ڈرون اُرش ءَ دو مردم بیران بیگ ءِ گپ دیم ءَ اتکگ-
دمگی اِھوالکار ءِ رِد ءَ اُرش ءِ آسر ءَ دو مردم جاہ پہ جاھی بیران بیتگ اَنت- دمگ ءِ مردمانی گوشگ اِنت کہ ڈرون اُرش ءَ پد مردمانی تہ ءَ تُرس ودی بیتگ-
اے وئیل انچیں وھدے ءَ دیم ءَ اَتکگ وھدے بلوچستان ءَ پاکستانی پوج ڈرون کارمرزی ءِ درگت ءَ چہ پیسر ءَ ھم چشیں بازیں وئیلے رپورٹ نکش بیتگ اَنت-
اشی ءَ ساری ھم زھری ءِ دمگ ءَ ڈرون اُرشاں لَس مردمانی بیرانی ءِ گپ دیم ءَ اَتکگ اَنت-
زانگ بہ بیت کہ کساس یک ماھے ءَ ساری سوھندہ ءِ نزیک ءَ یک ڈرون اُرشے بیتگ، چریشی ءَ دو زالبولاں ھوار چار مردم بیران بیتگ اَنت-