بلوچستان ءِ جتاجتائیں دمگاں جنگ ءُ چوپانی ءِ اھواپ دیم ءَ آیگ ءَ انت۔
سبی ءِ کٹ منڈائی ءِ دمگ ءَ شاھدگ ءِ سر ءَ دو کلاک ءَ چہ گیش کنٹرول برجاہ دارگ بوتگ ءُ گاڑیانءُ سنیپ چیکنگ کنگ بوتگ۔
دومی نیمگ ءَ مستونگ ءِ دمگ کانک ءَ پولیس ءِ پوسٹ ءِ سر ءَ سلاہ بندیں مردماں قبضہ کتگ۔ اُرش ءِ وھد ءَ کارندھانی سلاہ دست کپتگ ءُ یک گاڑی یے سوچگ بوتگ ۔
اے دوئیں وئیلانی تہ ءَ ھچ وڑیں تاوان ءِ ھال سر نہ بیتگ انت ءُ نہ کہ انگت ءَ اے وئیلانی زمہ واری کسے ءَ زرتگ انت۔