ایران، اسرائیل ءُ امریکہ ءِ جنگ ءَ یک ماھے سرجم بوگ ءَ پد ھم جاور روچ پہ روچ ناگیگی ءِ دیمپانی ءَ گندگ بوگ ءَ انت۔
ھردوکیں نیمگاں یک دومی ءِ سر ءَ جھل کپگیں بھتاماں جنگ ءَ گندگ بوگ ءَ انت ءُ گمانی رنگ ءَ امریکہ ایران ءِ جنگ ءَ زمینی لشکر ءِ چن ءُ لانچ ءَ کنگ ءَ انت ۔
ھمے وڑ ءَ ایران ءِ پارلیمنٹ ءِ اسپیکر محمد باقر قلیباف ءَ گشتگ کہ “دژمن رازداری ءَ زمینی اُرش ءِ منسوبہ بندی کنگ ءِ وھد ءَ سرکاری رنگ ءَ مذاکرات ءِ بس ٹاپار ءَ دنت۔”
ایرانی رسانکدر ءِ رد ءَ قلیباف ءَ گیش گوشتگ کہ امریکہ ”15 نکاتی لسٹ ءِ درچ ءَ ھما چیز ءَ رسگ لوٹ اِیت کہ آ جنگ ءِ وار ءَ رسگ ءَ نہ بوتگ۔“
آئی ءَ گْوشتگ کہ ایران ءِ سلاہ بندیں لشکر “امریکہ لشکر ءِ ملک ءِ تہ ءَ آیگ ءِ ودار ءَ اَنت کہ آ ایشانی سر ءَ تیر گواری بہ کن اَنت۔”