پنجگور ءِ دمگ چہ شاپاتان ءَ دزکپتگیں لاش ءِ پجّار شش ماہ ءَ چہ بیگواھیں یحییٰ نور ء نور محمد جھمنند پروم (تار آفس) نام ءَ چہ بیتگ-
کھول ءِ رِد ءَ یحییٰ نور ناشناسیں سلاہ بندیں مردماں ایئرپورٹ دگ ءَ چہ آوار جتگ، چریشی ءَ پد آ بیگواہ بیتگ-
اِھوالکار ءِ رِد ءَ شاپاتان کش ءُ گور ءِ دمگ ءَ لاش ءِ دزکپگ ءِ ھال سر بیتگ دمگی اِنتزامیہ جاہ پہ جاھی سر بیتگ اَنت ءُ لاش دستیگ کتگ ءُ پہ کاروائی ءِ ھاتر ءَ نادُراھجاہ برتگ، اود ءَ آئی ءِ پجّار یحیٰی نور نام ءَ چہ بیتگ-
زانگ بہ بیت کہ یحیٰی نور کساس شش ماہ ءَ ساری پنجگور ایئرپورٹ دگ ءَ چہ ناشناسیں سلاہ بندیں مردماں گاڑی ءَ سوار کتگ برتگ- دمگی اِھوالکار ءِ گوشگ اِنت کہ آوار جنوکانی سیادی سرکاری پلامرزی سلاہ بندیں ٹولی ڈیتھ اسکواڈ ءَ چہ بیتگ-