آئی سی سی ٹی ٹونٹی ورلڈ کپ ءِ کرکٹ گوازی برجاہ ، مروچی سُپر8 ءِ تہ ءَ پاکستان ءُ انگلینڈ دیم پہ دیم بوتگ انت کہ انگلینڈ ءَ ھشت وکٹانی تاوان ءَ نوزدھمی اوور ءِ اولی بال ءَ باج برتگ ءُ وت ءَ سیمی پائنل ءَ سرکتگ ۔
مروچیگیں گوازی ءَ پاکستان ءَ ٹاس کٹ اتگ ءُ اولسر ءَ بیٹنگ کنگ ءِ شور کتگ کہ پاکستان ءِ نیمگ ءَ بیست اوورانی تہ ءَ نھ وکٹانی تاوان ءَ یکسد ءُ شست ءُ چار (164 ) رن جوڈ کتگ ۔
دومی نیمگ ءَ انگلینڈ ءَ جوانی ءَ گوازی کنان ءَ ھشت وکٹانی تاوان ءَ نوزدھمی اوور ءَ پاکستان ءِ داتگیں ٹارگٹ پروش اتگ ءُ 166 رن جوڈ کتگ ءُ گوازی کٹ اتگ ۔
اے گوازی ءَ انگلینڈ ءِ کپٹن ھیری بروکن ءَ چار چکا ءُ 10 چوکایانی ھمراھی ءَ سنچری کتگ ءُ گڈسر ءَ کہ کہ نوزدھمی اوور ءَ پاکستان ءِ پروش دیگ ءَ دو رنانی. رکار بوتگ کہ لیبی جے آرچر ءَ چوکائے جتگ ءُ پاکستان ءِ داتگیں ٹارگٹ پروش اتگ ءُ گوازی وتی نام ءَ کتگ ۔