بی ایل اے ءَ دگہ 5 فدائینانی اکس ءُ اھوال شنگ کتگ انت

بلوچ لبریشن آرمی ءَ ھکل چینل ءَ جتا جتائیں جنگی میداناں بھر زیروکیں آپریشن ھیروپ ٹو ءَ فدائینانی اکس ءُ اھوال شنگ کتگ انت-

چہ ھکل چینل ءَ اولی فدائین ءِ پجار ابوبکر بلوچ پنام ءِ دُرا ء اسماعیل بلوچ جھمنند سند ء سر عیسیٰ پنجگور ءِ نام ءَ کتگ آئی ءَ گوشتگ ابوبکر ءَ سال دوھزار ءُ بیست ءُ دو ءَ بی ایل اے ءَ بھر زرتگ ءُ پد ءَ نومبر دوھزار ءُ بیست ءُ سَے ءَ کوھی میدان ءَ شتگ ءُ سال دوھزار ءُ بیست ءُ چار ءَ مجید بریگیڈ ءَ ھوار بوتگ- آئی ءَ وانگی تک ءَ سافٹ ویئر انجینئر، اقراء یونیورسٹی کراچی ءَ کتگ-

ھکل چینل ءِ رد ءَ ابوبکر پنام ءِ دُرا ھما ورنایاں ھوار بیتگ کہ آئی ءَ وتی زندگء تھنا یک جزباتی پیسلھے ءَ نہ کتگ بلکیں زانشت ءُ سرپدی ءَ کتگ- سافٹ ویئر انجینئرنگ ءِ وانگ ءِ سرجم کنوکیں اے ورنا نوکتریں ٹیکنالوجی ، گل ءِ بنھشت ءُ گھگیری ءِ درگت ءَ سرجمیں مردمے زانگ بیتگ- مارچ دوھزار ءُ بیست ءُ دو ءَ بی ایل اے ءَ ھوار بوگ ءَ پد آئی ءَ وت ءَ مھکمیں رنگے ءَ گل ءِ کارانی واستا ساجو کتگ- آ بس ایوک ءَ لشکری ھیلکاری ءَ نہ بیتگ بلکیں بی ایل اے ءِ میڈیا ونگ ‘ ھکل’ ءِ ھم بھر بیتگ- کہ اود ءَ آئی ءَ میڈیا ءِ پتر ءَ وتی دست ھوارینتگ- نبشتانک، ھالرسانی ءُ درشاندابی ءِ پتر ءَ آئی ءِ بھر زورگ اے گپ ءِ پدراھی ءَ کنت آ جنگ ءَ بس میدان ءَ داں نہ اوشتارینت بلکیں آئی ءَ پکری ءُ ھالرسانی ءِ تکاں یک مھکمیں میدانے ءَ زانتٹ

نومبر دوھزار ءُ بیست ءُ سَے ءَ کوھی میدان ءَ روگ ءَ پد دُرا ءَ بولان ءِ ترند ءُ دراج کشیں راھانی سر ءَ پند جتگ- آ ھما سرمچاراں ھوار بوتگ کہ بے تواری ءَ دار انت بلے گچینتریں وھداں وتی چماں کن انت – آپریشن درہ بولان فیز ون ءُ آپریشن ھیروپ ون ءَ آئی ءِ بھر مند بوگ ءُ پد ءَ ستمبر دوھزار ءُ بیست ءُ چار ءَ مجید بریگیڈ ءَ بھر مند بوگ ءُ جعفر ایکسپریس ءِ ھائی جیکنگ کنگ ءَ فرنٹ لائن ءَ جاڑیگ بوگ آئی ءِ درچ کشی ءِ بھر بیتگ کہ چریشی ءَ آئی ءِ زمہ واری گیش بوتگ انت-

آپریشن ھیروپ دومی بھر ءِ وھد ءَ دالبندین ءَ بنجل ءِ سر ءَ جنگ ءُ چوپاں آ بنداتی سرپ ءَ جنگے کتگ ءُ ھمود ءَ آئی ءَ شھیدی وتی نام ءَ کتگ- دُرا ءِ زندمان یک ھنچیں ورنایے ءِ اکس ءَ پیش دار ایت کہ نَد ءُ سلاہ، ھردوکانی زمہ واریانی ھواری ءَ بودشت ءَ دار ایت ءُ آئی ءَ وانگ، گل ءُ امل یکیں سپر ءَ یکجاہ کتگ انت-

ھکل چینل ءَ دومی فدائین ءِ پجار ساراوان رئیسانی پنام ءِ سارنگ ء عبدالنبی رئیسانی جھمنند ھدہ شال ءِ نام ءَ کتگ – آئی ءَ اگست سال دوھزار ءُ بیست ءُ پنچ ءَ بی ایل اے ءَ بھر زرتگ ءُ پد ءَ اگست دوھزار ءُ بیست ءُ پنچ ءَ مجید بریگیڈ ءِ بھر مند بیتگ- جنگی میدان ناگاھو ءَ شتگ شھیدی ءِ جاہ دالبندین ءَ جنگ ءِ وھد ءَ آپریشن ھیروپ دومی بھر ءَ شھید بیتگ-

آئی ءَ گوشتگ شال ءِ دمگ ھدہ ءَ رُستگیں سارنگ ھما ورنایانی ھوار بیتگ مُچیانی توک ءَ جتا گندگ نہ بیتگ – بلے وھد ءِ آیگ ءَ آئی ءَ وت ءَ جتا کتگ – آئی ءِ سازگاری یک رنگے ءَ سنجیدگی بیتگ کہ اُمر ءِ کساس ءِ گیش بوان ءَ آئی ءَ گل ءَ بھر زرتگ ءُ آئی ءَ گل ءَ بھر زورگ ءَ پندانی تہ ءَ گوزگی ءَ ابید تچک ءَ وت ءَ یک ھنچیں چکاسے ءَ پیش کتگ- مجید بریگیڈ ءَ سرجم ءَ ھوار بوگ آئی ءِ پیسلہ ءِ ترندی ءُ تچکیں ارادگ ءِ درشان انت-

ھدہ شال ءِ دمکاں در اتکگیں ناگاھو ءِ میدان ءَ دان سر بیوکیں اے ورنا زوت املی زمہ واریاں ھوار بوتگ- دالبندین ءِ بنجل ءِ جنگ ءُ چوپ ءِ وھد ءَ جاور ھال ناگیگ بیان بیتگ انت گڑا سارنگ ءَ وت ءَ مھکمیں جاھ ءِ رکگ ءَ ابید بنداتی سرپ ءَ شتگ جنگ کنان ءَ شھید بیتگ-

آئی ءِ شھیدی ءِ داستان ءِ ندارگی نہ بیتگ بلکیں یک املی وھدے بیتگ – آ جنگ کنان ءَ کپتگ – ابید ءِ لرزگ ءَ دلبند ءَ تیرانی رکبارے جاگہ داتگ ءُ کپتگ- لھتے زندگی دراج نہ بنت بلے آ وتی اندر ءَ یک سرجمیں کسھے نکش کن انت- سارنگ ءِ زندگء ھمے وڑیں پیسلھے بیتگ-

سیمی فدائین ءِ پجار فدائی فیضان شاھوانی پنام ءِ ریحان ء عطاء اللہ شاھوانی جھمنند کلی غلام خان سریاب شال ءِ نام ءَ کنگ بیتگ- آئی ءَ سال دوھزار ءُ بیست ءُ چار ءَ بی ایل اے ءَ بھر زرتگ ءُ پد ءَ جنوری دوھزار ءُ بیست ءُ پنچ ءَ مجید بریگیڈ ءِ بھر مند بیتگ- آ نوشکی ءَ آپریشن ھیروپ ءِ دومی بھر ءَ شھید بیتگ-

فیضان شاھوانی پنام ءِ ریحان ھما ورنایانی میان ءَ زانگ بیت کہ آ لبزانی گون ءَ ناں بلکیں املی جوڑ بنتٹ سریاب ءِ گوات ءَ رُستگیں ورنا زوت ھما درچانی بھر جوڑ بیتگ کہ اود ءَ پیسلہ گپانی تک ءَ نہ بنت- زمہ واریاں کساس کنگ بنت- دوھزار ءُ بیست ءُ چار ءَ بی ایل اے ءَ بھر مند بوگ ءَ پد کسانیں وھدے ءَ آئی ءَ وتی اندر ءَ سنجیدگی ءُ رھبندی ودی کتگ – چریشی ءَ ابید مجید بریگیڈ ءِ پتر ءَ آیگ سرجمی نہ بیت انت- جنوری دوھزار ءُ بیست ءُ پنچ ءَ آئی ءِ بھر مند بوگ اے گپ ءِ منانک بیتگ کہ آ بس جزباتی ءَ ناں تیاری ءُ تچکیں سنچ ءَ گوں اتکگ-

نوشکی ءِ میدان ءَ آپریشن ھیروپ دومی بھر ءِ بندات ءَ سنگت فیضان شاھوانی ءَ زورگریں پاکستان ءِ انٹیلی جنس ادار آئی ایس آئی ءِ کارگس ءِ سر ءَ بارود ءَ پرین گاڑی ءِ سر ءَ ٹکر جتگ – اے کاروائی ءَ دشمن ءِ گچینی جاہ ءَ سک ءَ تاوان بیتگ ءُ ایشی ءِ ھواری ءَ بلوچ زرمبشت ءِ آجوئی ءِ شش روچی راجدپتر ءِ گچینی تاک ءِ بندات بیتگ-

آئی ءِ شھیدی یک بے تواری ءِ بیتگ بلے اے تچکیں کلوھے بیتگ گھگیری نسل درنسل ءِ پندی اوگاماں نہ انت بلکیں املی کرد ءَ گوں برجم بیت انت- آ فتح اسکواڈ ءِ شھید سنگت ھیراس بادینی پنام ءِ نودان ءِ ناکوزتک بیتگ ءُ ھمے وڑ یکیں ھاندان ءِ دو ورنایاں یکیں وھد ءَ وتی بھر ھوارینتگ ءُ راجدپتر ءِ تاکانی بھر جوڑ بیتگ انت-

چارُمی فدائین ءِ پجار عدنان ارمان پنام ءِ چنگیز ء عبدالغفور جھمنند شمبے اسماعیل وارڈ گوادر ءِ نام ءَ کتگ – آئی ءِ اُمر سی ءُ یک سال بیتگ- آئی ءَ سال دوھزار ءُ بیست ءُ چار ءَ بی ایل اے ءَ بھر زرتگ ءُ سال دوھزار ءُ بیست ءُ چار ءَ مجید بریگیڈ ءِ بھر جوڑ بوتگ-

فدائی شھید عدنان ارمان گوستگیں یک دھکے ءَ گیش بلوچ سلاہ بندیں جد ءُ جھد ءَ بندوک بیتگ- آئی ءَ سال دوھزار ءُ سیزدہ سرجم ءَ سرجم ءَ سلاہ بندیں جد ءُ جھد ءِ بندات کتگ – آ مکران ءِ جتا جتائیں جاھاں پرکار بیتگ – جنگی میداناں اوپار، سگگ، گچین دابی ءُ بھادری ءِ درگت ءَ نامان بیتگ- فدائی عدنان ارمان، شھید عارف نور ءِ ناکوزتک بیتگ-

آئی ءَ گوشتگ فدائی شھید عدنان ارمان ءِ سیادی بلوچ تیابدپی شھر گوادر ءَ بیتگ کہ راجی گھگیری ءِ چیدگ زانگ بیت انت- گوادر ءِ زر چہ کرناں گھگیری ءِ چیدگ بوتگ کہ اود ءَ ھمک وھد ءَ ڈنی اُرشکار ءُ زورگیراں بلوچ راج ءِ ترندیں گھگیری ءِ دیمپانی کنگ کپتگ-

فدائی عدنان نودربری ءِ وھد ءَ نودربر سیاست ءِ بھر بیتگ- یک شریں شائر ءُ نبشتہ کارے بیتگ کہ وتی شائری ءُ نبشتانکانی تک ءَ بلوچ جنگ ءِ آجوئی ءَ ھمت ءُ چراگ بالینگ ءَ بیتگ-

فدائی عدنان ءَ سال دوھزار ءُ بیست ءُ چار ءَ بی ایل اے ءَ ھوار بوتگ ءُ وتی کار مجید بریگیڈ ءَ پیش کتگ – آپریشن ھیروپ فیز دو ءِ وھد ءَ آ گوادر ءِ میدان ءَ جاڑیگ بوتگ- اود ءَ آئی ءَ زورگریں پوج ءِ ھلاپ ءَ یک دراج کشیں جنگے برجاہ داشتگ – چریشی ءَ بلوچ ءِ زر، گوادر، ءَ زورگریں پاکستان ءَ چین ءَ گوں ھوار بوگ ءَ بلوچ راج ءِ واستا ریڈ زون ءُ نوگو ایریا جوڑینتگ- ءُ دنیا ءِ زرکارانی واستا مھکمیں جاھے نامینتگ – آپریشن ھیروپ دوم ءَ شھید فدائی عدنان ارمان ءُ آئی ءِ ھمراھاں دشمن ءِ مِکیں گردن ءُ برزیں توار سر ماں ھاکاں سک کتگ – آ روچ ءَ گوادر ءِ مھلوک چم دیستگیں گواہ انت کہ بی ایل اے ءِ سرمچاراں کجام رنگ ءَ وتگڑیں ریڈ زون ءَ ھوار دشمن ءِ مھکم زانگ بیتگیں بنجلاں پترتگ ءُ دشمنیں پوج ءُ آئی ءِ سرجمیں مشینری تباہ کتگ انت-

شھید عدنان ارمان ءَ آپریشن ھیروپ دوم ءَ گوادر ءِ میدان ءَ وتی سر ندر کتگ ءُ بلوچ جنگ ءِ آجوئی ءَ راجدپتر ءِ تاکاں وتی نام نکش کتگ-

پنچمی فدائین ءِ پجار یحیی لال پنام ءِ لاشاری ء لال بخش جھمنند پروم کلیری پنجگور ءِ نام ءَ کتگ- آئی ءَ مارچ دوھزار ءُ بیست ءُ سَے ءَ بی ایل اے ءَ بھر زرتگ- ءُ پد ءَ اپریل دوھزار ءُ بیست ءُ سَے ءَ مجید بریگیڈ ءَ بھر زرتگ- آئی ءِ اُمر بیست ءُ سَے سال بیتگ ءُ آ گوادر ءَ آپریشن ھیروپ ءِ دومی بھر ءِ وھد ءَ شھید بیتگ-

آئی ءَ گوشتگ یحیی لال پنام ءِ لاشاری ھما ورنایاں ھوار بیتگ کہ آیانی دست ءَ نَد ھم بیتگ ءُ پیسلہ ھم- پنجگور ءِ دمگ پروم کلیری ءَ سیادی داروکیں بیست ءُ سَے سالی ئیں ورنا تھنا یک سپاھی ءِ ناں بلکیں سنچ داریں انسانے بیتگ- آئی ءَ نبشتگ ھم کتگ ءُ جنگ ھم – شائری ءُ نبشتانکانی درچ ءَ آئی ءِ درشان بیتگ- بلے وھدیکہ مارچ دوھزار ءُ بیست ءُ سَے ءَ بی ایل اے ءَ آ ھوار بوتگ گڑا آئی ءَ وتی سوچ ءِ مٹ کنگ ءِ پیسلہ کتگ – شھری گوریلا ءِ بستار ءَ آئی ءَ بنداتی زمہ واری سمبال اتگ انت ءُ باز کم وھد ءَ سنجیدگی ءُ گل ءِ سرپد بوگ ءِ سبب ءَ آئی ءَ وت ءَ مجید بریگیڈ ءَ ھوار کتگ-

گوادر ءِ اُرش ءِ وھد ءَ آپریشن ھیروپ ءَ آ سیکنڈ آپریشن کمانڈ بیتگ – یک نیمگے ءَ آ منسوبہ بندی ءَ ھوار بیتگ دومی نیمگ ءَ ھمراھانی ھواری ءَ میدان ءَ جاڑیگ بوتگ ءُ جنگ کنگ ءَ بوتگ- شھید ھنیپ ءِ برات بوگ ءِ تک ءَ گھگیری آئی ءِ واستا نوکیں گپے نہ بیتگ بلکیں لوگ ءِ جاورھال ھم آشوبی بیتگ انت-

یحیی لال ءِ زندگی کمو بیتگ بلے آئی ءَ وتی بھر ءِ کرد سرجم کتگ – لھتے مردم وتی گپاں لبزاں گوش انت – لھتے وتی امل ءَ – لاشاری ءَ ھردوکاں وت ءَ منینتگ-