درانڈیھ ءَ بیران بیتگیں بلوچی زبان ءِ نامداریں شائر مجید آجز مروچی ماں آئی ءِ بنکی ھنکین بالیچا ءَ کل ءُ کسارات کنگ بیتگ-
نماز جنازہ ءَ بازیں کچے ءَ مھلوک ءَ بھر زرتگ ءُ آئی ءِ بیرانی ءِ سر ءَ پدردی درشان کتگ-
اھوالانی رد ءَ آ گوستگیں روچاں ماں درانڈیھ ءَ دل ءِ ھرکت ءِ بند بوگ ءِ سبب ءَ بیران بیتگ ءُ مروچی ءِ میت سھب ءَ کراچی ءَ سر بیتگ ءُ پد ءَ ایمبولینس ءِ سر ءَ آ بنکی ھنکین ءَ دیم دیگ بیتگ-
آئی ءِ میت ءِ دیم ءَ بازیں جاھاں مھلوک ءَ پُل درشانی ھم کتگ کہ آیانی توک ءَ زالبول ھم گندگ بیتگ انت-
مجید آجز وتی شائری لڑا نامداری نام ءَ زانگ بیتگ کہ چریشی ءَ مھلوک ءِ نیام ءَ آئی ءِ بیرانی ءِ سر ءَ پدردی درشان کنگ بیتگ-