ملیر ءِ دمگ شاہ لطیف ٹاؤن ءَ سے شمبے ءِ شپ ءَ گمانی پولیس میڑ ءَ چار ورنایانی جنگ ءِ ٹاہ داتگ- سندھ پولیس ءِ مھکمہ سی ٹی ڈی ءَ ٹاہ داتگ کہ جنگ بیتگیں مردمانی سیادی بلوچ سلاہ بندیں گل بلوچ لبریشن آرمی ءَ چہ بیتگ ءُ یک کاروائی ءِ میان ءَ جنگ بیتگ اَنت-
ڈی آئی جی سی ٹی ڈی کیپٹن اظفر مھیسر ءِ رِد ءَ کاروائی دزگیریں میاربار ءِ نشان دیگ ءَ کنگ بیتگ- آئی ءِ گوشگ اِنت کہ وھدے پولیس ٹولی یک لوگے ءَ سر بیتگ اَنت اود ءَ تیرگواری رِد برجاہ بیتگ، چریشی ءِ آسر ءَ چار مردم جنگ بیتگ وھدے کہ پولیس کارندہ ٹپی بیتگ اَنت- پولیس ءِ رِد وئلیجاہ ءَ سلاہ ءُ تراکناکیں شورو دزکپتگ-
جنگ بیتگیں سے مردم ءِ پجّار جلیل ء نور محمد، نیاز قادر ء قادر بخش ءُ حمدان پنّام ءِ حکیم ء محمد علی ءِ نام ءَ چہ بیتگ اَنت، وھدے کہ یک مردمے ءِ پجّار تنی وھدے نہ بیتگ-
بلے وئیل پد ءَ زوت کھول ءَ پولیس ءِ گپ چیلیج کنان ءَ اے شکی کتگ – آیانی گوشگ اِنت کہ جنگ بیتگیں مردم پیسر ءَ چہ بیگواہ بیتگ اَنت آیانی یل کنگ ءِ ھاتر ءَ آمیدگس ءَ ارزبندی ھم نکش کتگ-
اے اولی رند نہ اِنت کہ سی ٹی ڈی ءِ کاروائی ءِ سر ءَ جُست چست بیگ ءَ اِنت- گوستناک ءَ ھم بلوچستان ءُ کراچی ءَ گمانی میڑاں پد زورانسری آوار جنی ءُ درکانودی کوش بھتام دیم ءَ اَتکگ اَنت، آیانی پلگاریں پٹ ءُ پول لوٹ کنگ بیگ ءَ اِنت-