بلوچ لبریشن آرمی ءِ ھالرسان ھکل ءَ آپریشن ھیروپ ٹو ءَ ھواریں سَے باسک ءُ پوجی ساز ءُ سامانانی اسک شنگ کتگ انت-
میڈیا بھرگ ءِ رد ءَ فدائی ساکم بلوچ ء شمیم احمد ودی بوگ ءِ رمس 2004 جھمنند آپسر تربت کہ یک ھنچیں کھولے ءَ بیتگ آئی ءَ پیش جد ءُ جھد ءِ واستا مزنیں دیمھونی ءِ داتگ – آئی ءِ کھول ءِ دو مردم فدائی کریم ءُ شھید مسلم گرو ایشی ءَ پیش کربان اش داتگ ایشی ءَ چہ زانگ بیتگ ساکم بلوچ ءِ راہ اچانگی نہ بیتگ بلکیں فکری ءُ زانشت ءِ بنیاد ءَ بیتگ-
گل ءِ رد ءَ گل ءَ ھوار بوگ ءَ پیش آ یک لس زندمانی ءِ واھند بیتگ ءُ ڈرائیوری ءَ بیتگ- ایشی ءِ ھواری ءَ آ یک شائرے بیتگ ءُ وتی لبزانی تَک ءَ وتی مارشتاں شنگ ءُ تالان کنگ ءَ بوتگ-
آپریشن ھیروپ ءِ وھد ءَ تربت ءِ میدان ءَ آئی ءِ زند ءِ سپر آسر بیتگ – آئی نمیرانی ءَ پہ ورناں ھنچیں کرد یل داتگ کہ جاور،کھول ءِ گوستانک ءُ زاتی سما ءِ ھواری ءَ جنزگ ءَ بیتگ- فدائی ساکم ءِ پجار نا ایوک ءَ یک نامے ءَ گوں بندوک نہ انت بلکیں آئی ءِ اندر ءَ لبز ھم بیتگ، پیسلہ ھم بیتگ، مارشت ھم بیتگ ءُ زمہ واریانی زانشت ھم بیتگ-
ھکل بھرگ ءِ رد ءَ فدائی وسیم پنام ءِ کریم ء محمد حیات آئی ءِ اُمر 21 سال بیتگ کہ آ ناصر آباد تربت ءِ جھمنند بوتگ – وسیم ءَ 2024 ءَ گل ءَ وت ءَ بھرمند کتگ 2025 ءَ مجید بریگیڈ ءِ بھر بوتگ-
ھکل میڈیا ءِ رد ءَ فدائی وسیم ءِ زند ءِ سپر تچکیں پیسلہ ءُ زور ءَ اوپار کنگ ءَ اوشتانکی ءَ زانگ بیت انت- کم عمری ءِ ابید ھمک زمہ واری گوں چار ءُ تپاس ءَ چِستے کتگ – آپریشن ھیروپ دومی بھرگ ءِ وھد ءَ گوادر ءِ میدان ءَ جاڑیگ بوتگ آئی ءِ نمیرانی یک ھنچیں کردے ءَ یات کنت کہ آئی ءِ بنھشت پیشدارگ ءَ نہ انت بلکیں پھتویں ستک ءُ املی بھادری ءَ انت-
ھکل میڈیا ءِ رد ءَ فدائی امام اخلاق بزنجو پنام ءِ ھونک بلوچ ء محمد ابراھیم بزنجو جھمنند گِلی جھاؤ آواران بلوچ لبریشن آرمی ءَ 2024 ءَ ھوار بوتگ ءُ پد ءَ مجید بریگیڈ ءَ 4 ستمبر 2024 ءَ ھوار بوتگ-
ھکل ءِ رد ءَ فدائی امام اخلاق بزنجو پنام ءِ ھونک بلوچ ھما ورنایاں ھوار بوتگ کہ آیاں نا ایوک ءَ ھالات ءِ سنگینی سرپد بوتگ انت بلکیں یک زمہ وار ءُ زانشتی راہ اش گپتگ – مارچ 2024 ءَ بلوچ لبریشن آرمی ءَ بندوکی ءُ پد ءَ مجید بریگیڈ ءَ ھوار بوگ آئی ءِ ھوار بوگ ءِ پدراھی ءَ کنت آ وتی راج ءِ جیڑھاں بے توار نہ بیتگ- آئی ءِ سپر ازاروکی جزبگ ءَ ابید یکشل ءَ باوست، مارشتی زمہ واری ءُ زانشت ءَ گوں بندوک بیتگ- آپریشن ھیروپ ءِ وھد ءَ شال ءَ ریڈ زون ءِ نزیک ءَ ریل اسٹیشن ءِ ھند ءَ زورگریں پوج ءِ گون ءَ بازیں اداراں جنگ ءَ آئی ءَ وتی راج ءِ پھریزگ ءَ شھید بیتگ-
ھکل میڈیا ءِ رد ءَ آپریشن ھیروپ ءِ وھد ءَ بلوچ لبریشن آرمی ءِ جنگولاں ھاران ءَ پاکستانی پوج ءِ ترمل اسکوپ ءُ نائٹ وژن ءَ ھوار پوجی ساز ءُ سامان دستیگ کتگ انت –
ایشی ءَ ھوار مستونگ ءَ پاکستانی پوج ءِ بازیں ساز ءُ سامان برتگ انت-
زانگ بہ بیت بلوچ لبریشن آرمی ءِ رد ءَ آپریشن ھیروپ دومی بھرگ شش روچاں داں برجاہ بیتگ – آئی ءِ رد ءَ آپریشن ءِ وھد ءَ آئی ءِ پنجاہ فدائیناں ھوار نود ءُ سَے سرمچار شھید بیتگ انت ءُ ھکل میڈیا آیانی سرجمیں اھوال ءُ اکساں شنگ کنگ ءَ انت-