بلوچ زالبول فرنٹ لائن ءَ ھوار، بلوچ لبریشن آرمی ءُ نوشکی اُرشانی نوکیں تامر شنگ کتگ

بلوچ آجوئی لوٹوکیں گل بلوچ لبریشن آرمی ءَ وتی ھترناکیں اُرشانی وھد ءَ بلوچستان ءِ دمگ نوشکی ءَ پاکستانی پوج ءِ ھیڈکوارٹرز ءَ ھوار بازیں پوسٹ نشانگ کتگ ءُ شھر ءِ کنٹرول کنگ ءَ سوبمند بیتگ-

چہ نوشکی ءَ شنگ بیتگیں نوکتریں ویڈیوانی تہ ءَ بلوچ لبریشن آرمی ءِ باسک کہ آھانی تہ ءَ جنین آدم ھم ھوار اَنت گوں مزنیں سلاہ SPG-82 (ھشتاد ءُ دو) ءِ کارمرد کنگ ءَ پاکستانی لشکر ءِ کیمپ ءَ نشانگ کنگ ءَ گندگ بیت۔ ویڈیو ءِ تہ ءَ سرمچار شوکیں رنگے ءَ اوشتاتگ انت ءُ لھتیں مزنیں سلاہ کارمرز کنگ ءَ انت۔

ویڈیو ءِ تہ ءَ یک زالبولیں جنگولے ءِ ھست بوھگ آئی ءِ سر ءَ چمشانک دنت کہ آ نوکیں سلاھاں گوں سلاہ بند اِنت۔

نوشکی ءَ مرچی چارمی روچ ءَ چہ جنگ ءُ چوپ ءِ ھال بوھگ ءَ اِنت ءُ بی ایل اے مجید بریگیڈ ءِ مردم راھگوزی راھاں وت کُش اُرش کنگ ءَ پد بازیں کیمپانی تہ ءَ شُتگ اَنت۔

نوشکی ءَ پاکستانی انٹیلی جنس ایجنسی آئی ایس آئی ءِ بنجاھی کارگس ھم وت کُشیں اُرشانی نشانگ بوتگ ءُ بازیں جاھاں زمینی راہ ءِ راہسراں پاکستانی لشکر ءَ سر بوھوکیں کمکی لشکر ءِ سر ءَ اُرش ءِ ھال ھم بیتگ اَنت۔

دمگی مردمانی رد ءَ گْوستگیں چار روچ اِنت کہ پاکستانی لشکر نوشکی ءِ سر ءَ دست گرگ ءِ جُھد ءَ اِنت۔ پاکستانی لشکر ءِ سپلائی لائن ھم بند کنگ بوتگ ءُ ھمے وھد ءَ تاں انوگ ءَ برزی بمبتراک ءِ تہ ءَ یک زھگے ءَ ھوار یازدہ شھری بیران بوھگ ءِ پدریں ھال رس اِتگ اَنت۔ دیمتر ءَ ھال شنگ اِنت کہ اے پورسز شجری آبادی ءَ نشانگ جوڑ کنگ ءَ اَنت۔

بی ایل اے ءِ رد ءَ نوشکی ءُ دگہ دمگاں ایشانی آپریشن ھیروپ برجاہ انت۔