ھب، شال : پاکستانی لشکر ءِ دست ءَ چار مردم زورانسری بیگواہ کتگ

بلوچستان ءِ دمگ ھب چوکی ءَ پاکستانی پوج ءِ نیمگ ءَ چہ سھب ءَ بیڑ میان ءَ بلوچ نیشنل موومنٹ ءِ چیئرمین ڈاکٹر نسیم بلوچ ءِ پت ءُ ناکو آوار جتگ ءُ ناشناسیں جاھے ءَ برتگ-

اِھوالکار ءِ رِد ءَ دو فروری ءِ سُھب کساس سے نیم ءَ ھب چوکی ءِ جتاجتائیں دمگاں بازیں لوگانی سر ءَ بیڑبرتگ- اے میان ءَ ڑیٹائرڈ ڈپٹی کمشنر محمد بخش ساجدی، آئی ءِ برات نعیم ساجدی ءُ گوستگ چیف سوئی گیس بلوچستان ءِ انجینئر رفیق بلوچ آوار جتگ-

محمد بخش ساجدی بلوچ نیشنل موومنٹ ءِ چیئرمین ڈاکٹر نسیم بلوچ ء پت اِنت، وھدے کہ نعیم ساجدی ءُ انجینئر رفیق بلوچ آئی ءِ ناکو گوشگ بیگ ءَ اِنت-

کھول گوشگ رِد ءَ اے کاروائی ءِ میان ءَ ھچ وڑیں کانودی وارنٹ پیش کنگ نہ بیتگ آوار جنگ بیتگیں مردم ناشناسیں جاھے ءَ برتگ اَنت، چریشی ءَ پد آیانی ھچ وڑیں ھال سر نہ بیتگ-

دومی نیمگ ءَ شال ءَ ھم سھب ءَ پاکستانی پوج ءَ یک نودربر عمر بلوچ ء عبدالرؤف برما ھوٹل ءَ چہ آوار جتگ ءُ ناشناسیں جاھے ءَ برتگ اَنت-

انسانی ھکانی پارٹیاں زورانسری آوار جنی ءِ تُرس ودی کتگ ءُ آوار جنگ بیتگیں مردماں زوت یل کنگ ءُ کانودی کاروائی پلگار کنگ لوٹ کتگ-