بلوچستان ءِ شھر نوشکی ءَ پاکستانی لشکر ءِ نیمگ ءَ ڈرون اُرش ءَ بازیں مردم بیران ءُ ٹپیگ بیتگ انت۔
ھالانی رد ءَ نوشکی ءَ پاکستانی فوج ءِ نیمگ ءَ ڈرون اُرش کنگ بوگ ءَ انت کہ ایشی ءِ تہ ءَ لس مردم ھم نشانگ جوڑ کنگ بوھگ ءَ انت۔ کلی جمالدینی ءَ ڈرون اُرش ءِ آسر ءَ جانی تاوان ءِ ھال دیم ءَ اتکگ ۔
دمگی بنشونانی رد ءَ گوستگیں روچ ءَ چہ جتا جتائیں جاھاں بیست ءَ چہ گیش ڈرون اُرش کنگ بوتگ ءُ پیسر ءَ چہ ھیلی کاپٹراں شیلنگ کنگ بوتگ۔
لھتیں جاھاں فورسز ءِ نیمگ ءَ چہ شھری مردمانی سر ءَ تیرگواری ءِ ھال ھم ھست۔
زانگ بہ بیت کہ نوشکی شھر چہ گوستگیں سئے روچاں بلوچ لبریشن آرمی ءِ کنٹرول ءَ اِنت۔ اے کاروائی آپریشن ھیروپ ءِ چیر دستی ءَ کنگ بوتگیں آپریشن ءِ بھر انت۔