آپریشن ھیروپ ٹو چِل اداراں پد ھم برجاہ، بازیں جاھاں کاروائی سرجم- بی ایل اے

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں یک جارے ءِ تہ ءَ گْوشتگ کہ چل کلاک ءَ پد ھم بلوچستان ءِ جتا جتائیں ھند ءُ دمگاں آپریشن ھیروف فیز دوم انگت برجاہ اِنت۔ اے پڑ ءِ چیر دستی ءَ خاران، مستونگ، دالبندین، تمپ ءُ پسنی ءَ کاروائی سرجم کنگ ءَ پد سرمچار وش ءُ سلامت واتر بوتگ اَنت ءُ وتی ایمنیں جاھاں سر بوتگ اَنت۔ ھما دمگاں کہ آپریشن ءِ سرجمی ءِ جار جنگ نہ بوتگ آھانی جاور ھال انگت ءَ جاورھال برجاہ انت ءُ آپریشن برجاہ انت۔

جارکش ءَ گوشت کہ بنداتی ءُ گمانی اندازگانی رد ءَ تاں انوگ ءَ قبضہ گیریں پاکستانی فوج، پولیس ءُ فرنٹیئر کور ءِ 200 ءَ چہ گیش کارندہ مرتگ اَنت وھدیکہ 17 کارندہ دزگیر کنگ بیتگ اَنت۔ اے کچ ءُ کساسی انت، وھدے کہ دژمن ءِ کلیں تاوان ءُ مالی تاوان باز گیشتر انت۔ دژمن ءِ تاوانانی سرجمیں ھال ءُ اھوالانی یکجا کنگ ءَ پد آ یک شریں وھدے ءَ رسانکدر ءَ شنگ کنگ بنت۔

آئی ءَ گْوشتگ: آپریشن ءِ وھد ءَ تاں انوگ ءَ بلوچ لبریشن آرمی ءِ 18 سرمچار شھید کنگ بوتگ اَنت کہ ایشانی تہ ءَ مجید برگیڈ ءِ 11 شھید، 4 فتح اسکواڈ ءُ 3 STOS یونٹ ءِ سرمچار ھوار اَنت۔ شھیدانی سرجمیں ءُ گڈی ھال دیم ءَ شنگ کنگ بنت۔

آئی ءَ گیش گْوشتگ: بلوچ لبریشن آرمی چہ بلوچ راج ءَ دزبندی کنت کہ آ شیوار بہ بنت، دژمن ءَ چہ ایمنیں دوری بہ دار اَنت، ءُ ھما دمگاں کہ انگت ءَ آپریشن ءِ آسر ءِ جار جنگ نہ بیتگ، سرمچارانی ھمراھی ءُ ھمکاری ءَ برجاہ بہ دار اَنت۔ آپریشن ھیروپ انگت ءَ برجاہ اِنت ءُ آیوکیں دیمروئیانی بابت ءَ ھال ءُ اھوال ھما وھد ءَ دیم ءَ آرگ بنت۔