بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ سوراب ءَ ریاستی چاریگ کوش ءُ اورناچ ءَ پاکستانی پوج ءِ سر ءَ بیتگیں اُرش ءِ زمہ واری منّ اِتگ اَنت-
جارکش ءَ گوشتگ کہ بی ایل ایف ءِ انٹیلی جنس ونگ ءِ داتگیں سرپدی ءِ سر ءَ کاروائی کنان ءَ یک جنوری 2026 ءَ سرمچاراں سوراب ءِ دمگ ماراپ ءَ ریاستی چاریگ میرجان ء بھائی خان جھمنند ماراپ، سوراب دزگیر کتگ- دزگیری ءِ میان ءَ ریاستی چاریگ ءَ وتی جرم منّ اِتگ ءُ گْوشتگ کہ بیست پنچ دسمبر 2025 کلات، پارود ءَ گلی بُنجل ءِ سر ءَ ڈرون اُرش ءِ ھاتر ءَ آئی ءَ ڈرون چپ بُنجل ءَ ٹپّینتگ – اے اُرش ءَ گل ءِ پنچ سنگت سرمچار شھید بیتگ اَنت-
جارکش ءَ گوشتگ چاریگ میرجان ءَ جُست پُرس ءِ میان ءَ وت منّ اِتگ کہ آ گوستگیں یک سالے ءَ چہ دُژمن ءِ واستا چاریگی ڈیتھ اسکواڈ ءِ سروک ءُ پاکستانی پوج ءِ گوشگ ءِ پد ءَ گلی بُنجل ءَ تاں سر بیگ ءُ چاریگی ءِ ھاتر ءَ گل ءِ بھر بیگ بھانگ ءَ بُنجل ءَ اَتکگ-
جارکش ءَ گوشتگ کی لھتیں سال پیش میرجان پہ وتی کاروائی ءَ گوں بی ایل ایف ءِ سنگتاں ھال کتگ ءُ گل ءَ ھوار بیگ ءِ گوشتگ، چہ پٹ ءُ پول ءَ پد آ پہ ھیلکاری ءَ بُنجل ءَ دیم دیگ بیتگ اود ءَ آ چیرجنگی راھبندانی پاسداری نہ کنگ ءِ سوب ءَ چہ بُنجل ءَ کشگ بیتگ۔ پد ءَ ھم بلوچ بیگ ءِ بنیاد ءَ گوں آئی ءَ نرمی ءَ پیش بیتگ اَنت ءُ چہ دلجمی دیگ ءَ پد یل داتگ کہ آ بلوچ راجی آجوئی زرمبشت ءِ بگیری ءَ کار مہ کنت۔بلے ریاستی چاریگ میرجان ءَ ھمے میان ءَ ھیلکاری بُنجل ءَ ڈرون چپ چیر داتگ ءُ چہ آئی روگ ءَ سے روچ ءَ پد بُنجل ءِ سر ءَ ڈرون اُرش بیتگ اود ءَ گل ءِ ھیلکاری کماندار شھید ابدالاحد پنام گزین بلوچ گوں چار سنگتاں شھید بیتگ اَنت-
جارکش ءَ گوشتگ میرجان ءَ وتی راجی میارباری ءِ منّگ ءِ تامُر بند گل ءِ کر ءَ مُھر اَنت، کہ زوت گل ءِ جند میڈیا چینل ءَ شنگ کنگ بیت-
جارکش میجر گھرام بلوچ ءَ وتی شنگ کتگیں دگہ یک درشانے ءِ تہ ءَ گوشتگ کہ نُھ جنوری 2026 ءَ روچ ءِ ادار یک ءَ سرمچاراں شال کراچی شھدگ اورناچ کراس ءَ بستگ پاکستانی پوج ءِ کاروان گوں نوک ءُ مزنیں سلاھاں چہ نشانگ کتگ ۔ کاروان ءَ ھواریں پوج ءِ یک گاڑی ءِ اُرش ءِ زد ءَ کپتگ گاڑی ءَ سواریں شش کارندہ مرتگ ءُ گاڑی سک تاوان رس اِتگ۔
جارکش ءَ درشان ءِ گُڈی ءَ سرجمیں اُرشانی زمہ واری منّ اِتگ اَنت-