ایران ءَ زھرشانی، انٹرنیٹ ءِ بندش: گرانھادی ءُ ڈیھ ءِ سرکار ءِ مٹ کنگ ءِ واستا سرجمیں ڈیھ ءَ زھرشانی

ایران ءَ گرانھادی ءُ سرکار ءِ مٹ کنگ ءِ واستا سرجمیں ملک ءَ زھرشانی ءِ درچ گوستگیں پانزدہ روچاں برجاہ انت-

کہ اے زھرشانی چہ یزد ءُ تھران ءُ مشھد ءُ اسپھان ءُ سیستان و بلوچستان ءِ جتا جتائیں شھراں ترندی ءَ گوں برجاہ انت-

زھرشانی ءِ گِر ءُ دار کنگ ءِ واستا ایران ءِ سرکار ءَ گوستگیں بیست ءُ چار ساھتانی سرجمی ءَ نیٹ پچ نہ کتگ کہ اود ءَ زھرشانی لپاشگ ءِ ھاتر ءَ ملک ءَ ٹوھیں کچے ءَ زھرشانی بوگ ءَ انت-

زھرشانی کنوکانی لوٹ انت کہ گرانھادی ھلاس کنگ بہ بیت ءُ ھستیں سرکار مٹ کنگ بہ بیت کہ بزانکہ امام خامنہ ای ءِ جاہ ءَ رضا پہلوی ءِ دارگ ءِ واھگ ءَ کنگ ءَ انت-

ھمے درچ ءَ امریکہ ءَ ھم ایران ءَ را بیھار داتگ کہ اگاں زھرشانی کنوکانی سر ءَ زوراکی کت گڑا امریکہ کیت زھرشانی کنوکانی کمک ءَ –

دومی نیمگ ءَ ایران ءِ سپریم لیڈر خامنہ ای ءَ مروچی پریس کانفرنس کتگ ءُ امریکہ ءِ سروک ٹرمپ ءِ پسو ءَ گوشتگ کہ ٹرمپ وتی ڈیھ ءَ بہ پھریز ایت دگرانی اڑانکاں دزمانجنی مہ کنت-

خامنہ ای ءَ گوشتگ امریکہ ءِ گنڈھاں ڈیھ ءِ ھلاپ ءَ ناشری بندات کتگ ءُ شھر ءِ بازیں جاہ تاوان داتگ انت-

خامنہ ای ءَ گوشتگ ھچ زھرشانی کنوکانی دیم ءَ نہ جُکاں دیمپانی ءَ کن آں –

بازیں جاھاں زھرشانی کنوکانی سر ءَ تیرگواری ھم بیتگ انت ءُ بازیں جاھاں گاڑی ماندارگ ءُ ماڑیانی آس کپگ ءِ ھواری ءَ ایران سرکار ءِ بُت ھم پروشگ ءُ سوچگ بیتگ انت-

ھمے وڑ آدینگ ءِ نماز ءَ پد سیستان و بلوچستان ءِ بنجاھی شھر زاھدان ءُ تیابدپی شھر چھبار ءَ زھرشانی کنوکانی سر ءَ تیرگواری ءُ آنسو گیس آس دیگ بیتگ انت کہ چریشی ءَ اود ءَ مردمانی زدگ بوگ ءِ اھوال ھم آیگ ءَ انت-