بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ کلات ءَ دُژمن ءِ نیمگ ءَ چہ 25 دسمبر ڈرون اُرش ءَ بلوچستان لبریشن فرنٹ ءِ پنچ سرمچار پہ سرڈگار نمیران بیتگ اَنت کہ آیاں سھرچکیں دروت ندر کن ایں-
جارکش ءَ گوشتگ نمیران بیتگیں سنگتانی تہ ءَ عبدالاحد دھوار پنّام ءِ گزین ء ھمایوں دھوار جھمنند کلی کاریز مستونگ، شھید اسرار اھمد پنّام ابرار ء حسین جھمنند گرگینہ مستونگ، شھید احمد پنّام ءِ سوبدار ء محمد علی جھمنند جیوا ھزدار، شھید عبیداللہ سیاہ پاد پنّام ءِ سبزو ء پیر جان جھمنند ھاران ءُ شھید فیصل پادینی پنّام ءِ کازی ء محمد ابراھیم جھمنند ھاران ھوار اَنت-
جارکش ءَ گوشتگ شھید عبدالاحد 2023 ءَ بلوچستان لبریشن فرنٹ ءَ ھوار بیتگ شھری سرمچارے ءِ بستار ءَ جتاجتائیں ھنداں گل ءُ راجی زمہ واری پیلو کتگ اَنت- آ گل ءِ پیسلہ ءِ رِد ءَ دوھزار بیست پنچ ءَ شور، پارود ءِ بُنجل ءَ برتگ- شھید زانتکاری ءُ مھنتی پژدر ءَ آ بُنجل ءَ ھیلکاری ءِ ھاسیں زمہ واری دیگ بیتگ- آ وتی شھیدی ءَ تاں ھیلکاری زمہ واری جوانیں وڑے ءَ پیلو کنگ ءَ بیتگ- شھید عبدالاحد یک مھنتی، زانکتار ءُ سیاسی شئور ءَ چہ سرریچیں سرمچارے بیتگ- سرمچار عبدالاحد جان بیست پنچ دسمبر ءَ ڈرون اُرش ءَ سک ٹپی بیتگ- سنگتیں سرمچاراں آ پہ الاج ھاتر ءَ مُھریں جاھے ءَ برتگ بلے آئی ءَ ٹپّانی درد نہ سگ اِتگ بیست ھپت 2025 ءَ نمیران بیتگ آ بلوچ راجدپتر ء نمیران بیتگ-
جارکش ءَ گوشتگ کہ شھید اسرار اھمد پنام ابرار ء ھسین اگست 2025 ءَ بی ایل ایف ءَ ھوار بوتگ ءُ آئی گل ءِ گوشگ ءِ رد ءَ گل ءِ چیریں بھرگ ءَ زمہ واری پیلو کرتگ اَنت۔ آ 25 دسمبر ءَ زورگریں پاکستانی پوج ءِ ڈرون اُرش ءَ کلات ءَ نمیران بیتگ۔
جارکس گوشتگ کہ شھید شعیب احمد ء محمد علی ھزدار جیوا ءِ جھمنند اِنت، چیزے وھد بیت بی ایل ایف ءَ ھوار بیتگ ءُ آ پہ ھیلکاری ءَ بنجل آتکگ۔ شھید شعیب جان یک وانندگیں دلیر ءُ جپاکشیں سرمچارے اَت۔ آ 25 دسمبر ءَ کلات ءَ گوں آدگہ سنگتاں ھوار زورگریں پوج ءِ ڈرون اُرش ءَ نمیران بیتگ۔
جارکش ءَ گوشتگ کہ عبیداللہ سیاہ پاد پنام سبزو ء پیر جان ھاران ءِ جھمنند اِنت نومبر 2025 ءَ بی ایل ایف ءَ ھوار بوتگ۔ چہ ایشی پیش آئی گل ءِ دوزواھے ءِ بستار ءَ ھاران شھر ءِ پرکاریاں سرمچارانی کمک کرتگ- آ توری ھیلکاری بنجل ءَ لھتیں وھد ءَ ساڑی بیتگ بلے اے کمیں وھد ءِ تہ ءَ ھم یک ایمانداریں، جپاکشیں ءُ پابندیں سرمچارے بیتگ، آ 25 دسمبر ءَ کلات ءَ ڈرون اُرش ءَ نمیران بیتگ۔
جارکش ءَ گوشتگ کہ فیصل بادینی پنام کازی ء محمد ابراھیم ھاران ءِ جھمنند اِنت۔ آ پہ راجی آجوئی ءِ جھد ءَ دو سال پیش بی ایل ایف ءَ ھوار بیتگ۔بندات ءَ آ گوں گل ءِ چیریں بھرگ ءَ بندوک بیتگ۔ وتی کارانی سوب ءَ آ دژمن ءِ چیریں ادارہ ءِ کارمندانی چم ءَ کپتگ کہ چہ ایشی ءَ پد گل ءَ بنجل ءَ دیم داتگ۔ اے کمیں وھد ءِ تہ ءَ آ گوں گل ءِ پُرکاریاں بندوک بوتگ ءُ 25 دسمبر ءَ ڈرون اُرش ءَ نمیران بیتگ۔
میجر گوھرام بلوچ ءَ گوشتگ کہ پہ سرڈگار ءِ آجوئی ءَ ورنائیں سرمچاراں آیانی شھید ءِ سر ءَ سھرچکیں دروت ندر کن ایں ءُ اے کول ءَ کن ایں کہ شھیدانی واھگ ءَ داں بلوچستان ءِ آجوئی ءَ آیانی گرانبھائیں کاروان ءِ برجاہ دارگ ءِ کول ءَ کن ایں۔