اے وھد ءَ زورانسری آوار جنی ءِ وئیلاں بلوچستان ءَ چہ کسان سالی ئیں جنک بیگواہ کنگ بیتگ اَنت-
ھیومن رائٹس کمیشن آف پاکستان ” ایچ آر سی پی ” درکانودی دزگیاں آوار جنیانی دْرچاں چہ بیتگیں وئیلانی دلپدردی درشان کتگ-
کیمشن ءَ لوٹ کتگ کہ پاکستان زوت زورانسری آوار جنی ءُ درکانودی دزگیریانی درچ ءَ زوت دارگ لوٹ اِیت-
انسانی ھکانی سر ءَ کار کنوکیں گل سوشل میڈیا پلیٹ فارم ایکس سر ء نبشتہ اِنت کہ پشاور یونیورسٹی ءِ نودربر ھبیب وزیر ءُ عدنان وزیر ءِ زورانسری آوار جنی ءَ دوازدہ نومبر 2025 ءَ ھکومت نیمگ ءَ لوٹائینگ بیتگیں مزنیں جرگہ ءَ بھر بیگ ءَ پد بیگواہ بیتگ اَنت، اے گپ منانک مہ کجام وڑ ءَ کانود ءِ لوٹاں نہ دلگوش گور کن اَنت-
ایچ آر سی پی ءِ درشان ءِ رِد ءَ ھمے وڑ گوستگیں قومی اسمبلی ءِ باسک نثار پنھور ءُ آئی ءِ چُک محسن پنھور ءِ زورانسری آوار جنی ھم پہ دلپدردی یے-
ھالانی رِد ءَ آ بیست دو دسمبر 2025 ءَ کراچی ءَ سادھیں پوشکانی تہ ءِ مردماں برتگ اَنت، ھالانکہ اشی ءَ ساری نثات پنھور ءِ ادروکی یل بیگ ءِ پد دلجمی دیگ بیتگ-
ایچ آر سی پی ءِ رِد ءَ زورانسری آوار جنی ءِ وئیل بلوچستان ءِ زالبول ءُ کسان سالیں ئیں جنکاں آوار جنی ء ھمگرنچ اَنت آیانی تہ ءَ مئزوریں نودربر ءُ کارکن ماہ جبین بلوچ ءَ ھوار کم چہ کم شش دگہ مردم ھوار اَنت، کہ نومبر ءُ دسمبر 2025 ءَ دزگیری ءَ پد بیگواہ کنگ بیتگ اَنت-
گل ءَ گوشتگ کہ اے وڑیں گامگیج کانودی زمانتانی ھلاپ ورزی اِنت ءُ کھولاں ءُ دگراں سک تاوان رس اِتگ-
درشان ءِ تہ ءَ گوشگ بیتگ کہ ما دوبر زور دے ایں کہ ریاست ءَ دلجمی جوڑ بیگی اِنت، زمہ واراں جُست بگر اَنت ءُ سانمندیں کھول انساپ ءَ تاں بے شرتاں دیگ بہ بیت-