گوستگیں دو روچانی توک ءَ سَے بیگواھیں مردم یل بیتگ انت

بلوچستان ءِ بنجاھی شھر شال ءَ سَے بیگواھیں مردم یل کنگ بیتگ ءُ وتی لوگاں سر بیتگ انت-

بیگواھیں مردمانی تہ ءَ یل بیتگیں مردمانی پجار چہ فروری دوھزار ءُ بیست ءُ چار ءَ چہ مچ بولان ءَ آوار جنگ بیتگیں میر زمان سمالانی ء شاہ زمان گوستگیں روچ ءَ یل بیتگ ءُ وتی گِس ءَ سر بیتگ –

ھمے وڑ ءَ شال ءَ آوار جنگ بیتگیں نودربر شھزاد منیر یل کنگ بیتگ ءُ وتی گِس ءَ سر بیتگ-

شھزاد منیر کیچ ھیرونک ءِ جھمنند انت کہ ھمے ماہ ءَ چہ شال ءَ آوار جنگ بیتگ- شھزاد منیر ءِ کھول ءَ تربت ءَ ایم شھدگ ءِ سر ءَ نندانک داتگ بیتگ ءُ پد ءَ گپ ءُ تران ءَ پد نندانک ھلاس بیتگ ءُ شھزاد یل دیگ بیتگ-

ھمے وڑ ءَ دو دسمبر ءَ چہ شال ءَ آوار جنگ بیتگیں فرید کرد ھم گوستگیں روچ ءَ یل دیگ بیتگ ءُ وتی لوگ ءَ سر بیتگ-

یل بیتگیں مردمانی یل بیگ ءِ ھال وائس فار بلوچ مسنگ پرسنز ءِ سروک نسر اللہ بلوچ ءَ راست کتگ ءُ گوشتگ بندیگیں یل کنگ شریں آملے-