بلوچستان ءِ دمگ آواران ءِ جھاؤ بریت ءِ ھند ءَ گوستگیں روچ ءِ نیم روچ ءِ یک بج ءَ ناشناسیں مردماں پاکستانی لشکر ءِ کاروان ءِ سر ءَ اُرش کتگ۔
دمگی مردمانی رد ءَ اے اُرش ءَ پاکستانی لشکر ءَ تاوان رس اتگ بلے بیران ءُ ٹپیانی کساس ءِ بابت ءَ سرکاری رنگ ءَ ھچ وڑیں پدرائی نہ بوتگ۔
دمگی مردمانی گشگ انت کہ اُرش ءَ پد لشکر ءَ دمگ انگیر ءُ ارش کنوک چہ دمگ ءَ درکپگ ءَ سوبین بوتگ انت۔
داں انوگ ءَ اے اُرش ءِ زمہ واری کس ءَ نہ زرتگ۔ زانگ بہ بیت کہ بلوچستان ءِ جتاجتائیں دمگاں فورسز اے وڑیں اُرشانی نشانگ بوگ ءَ انت کہ ایشانی زمہ واری ءَ بلوچ آجوئی لوٹوکیں سلاہ بند گل منگ ءَ اَنت۔