بلوچستان ءِ نامداریں کلاسیکل ازمکار استاد سچو بگٹی بیران بیتگ

بلوچستان ءِ دودمانی سازگار ءِ نامداریں ازمکار ءُ نامی ئیں سروز کار استاد سچو بگٹی بیران بیتگ-

استاد سچو بگٹی بلوچ دودمان، لوک دھن ءُ سروز ءِ درگت ءَ یک نامداریں مردمے زانگ بیتگ – آئی ءَ بازیں دھکاں وتی ازمکاری ءِ سپر نا ایوک ءَ بلوچ ساز ءُ زیمل ءَ بکشات بلکیں وتی کش ءُ گوری ھمساھگ ھم چہ ساز ءُ زیمل ءَ سانمند کتگ ءُ میان اُستمانی تکاں یک رژنائیں چراگے ءِ دروشم ءَ تالان کتگ-

بلوچ تَکاں سچو بگٹی ءِ بیرانی ءِ سر ءَ رنج ءُ گمانی تامری ودی کتگ کہ چریشی ءَ اود ءَ مھلوک سچو بگٹی ءِ بیرانی ءِ سر ءَ پرسیگ انت –

بلوچ دودمان مروچی یک ھنچیں گچینی ازمکارے ءَ زبھر بیتگ کہ آئی ءَ وتی زند ساز ءُ زیمل، دودمانی ءُ ازمکاری ءَ گوازینتگ –

بلوچستان ءَ گیشتریں ازمکار اَچ وتی نادرسیانی دیمپان انت کہ اود ءَ آ وتی زند ءَ پہ ازم گوازین انت بلے آیانی کسانوکیں نادراھی ءَ وتی ساہ بکش انت کہ آیانی گور ءَ چوشیں آسراتی نیست کہ آیاں چرے جانکُشیں نادراھی ءَ رکینت کُت بہ کنت-