بلوچستان ءِ دمگ کیچ ءِ ھند تربت ءَ سلاہ بندیں مردماں پاکستانی پوج ءِ بُنجل نشانگ کتگ، اود ءَ تُرندیں تیرگواری ءُ تراکانی توار اش کنگ بیتگ-
سلاہ بندیں مردماں تربت ءِ دمگ میری بگ ءَ برجاھیں پاکستانی پوج ءِ بُنجل ءِ سر ءَ اُرش کتگ-
اِھوالکار ءِ رِد ءَ تُرندیں تیرگواری ءُ تراکانی توار اش کنگ بیتگ وھدے کہ چیک پوسٹ ءَ آس چست بیتگ، وئیل ءَ پاکستانی پوج ءَ جانی ءُ مالی تاوان چست کنگ ءِ ھال اِنت-
پاکستانی پوج ءُ سلاہ بندیں مردمانی میان ءَ داں دیراں تیرگواری ءِ رِد برجاہ بیتگ، پاکستانی پوج ءِ کمک ءِ واستا مزنیں کچے ءَ کارندہ تربت ءَ چہ راہ دیگ بیتگ اَنت-
وئیل ءِ زمہ واری انگت ھچ گل ءَ نہ زرتگ-