بلوچستان ءِ دمگ ھاران ءِ ھند داشتکین ءَ ناشناسیں سلاہ بندیں موٹر سائیکل سواراں نادر ء الاھی بخش محمد حسنی آوار جتگ ءُ برتگ-
دمگی مردمانی رد ءَ آوار جنگ بوتگیں مردم ءِ سیادی گوں ریاستی کمک ءِ سلاہ بندیں گل آ لس نام ءَ ”ڈیتھ اسکواڈ“ ءِ نام ءَ زانگ بیت۔
انگت ءَ اے ویل ءِ زمہ واری کس ءَ نہ زرتگ۔
بلوچستان ءَ ”ڈیتھ اسکواڈ“ ءِ نام ءَ زانگ بیتگیں گلانی تہ ءَ ھما مردم ھوار اَنت گْوشگ بیت کہ آ راجی دژمنیں کارانی تہ ءَ ھوار بوتگ اَنت۔ جتا جتائیں بلوچ راجدوستیں گلانی بھتام انت اے ٹولی ریاستی ادارھانی پلامرزی ءَ بلوچ راجدوستانی ھلاپ ءَ آپریشن کنگ ءَ انت-
گْوستگیں سالاں بلوچ آجوئی لوٹوکیں گلاں باز رند ءَ اے گل نشانگ جوڑ کتگ اَنت کہ ایشی ءِ تہ ءَ بازیں مردم بیران یا ٹپیگ بوتگ اَنت۔