گوستگیں روچاں چہ شال ءَ بیگواھیں بیتگیں سلمان بلوچ ءُ آئی ءِ ھمراہ یل بیتگ انت ءُ ساھر انگت ءَ بیگواہ انت-
نیشنل ڈیموکریٹک پارٹی ءَ آئی ءِ یل بیگ ءِ ھال راست کنان ءَ گشتگ کہ ما چہ اے گپ ءِ جار جنگ ءَ وش ایں کہ مئے مرکزی ڈپٹی آرگنائزر سلمان بلوچ گوں وتی یک ھمراھے دلیپ داس ءَ لھتیں وھد پیسر وش ءُ سلامتی وتی لوگ ءَ واتر بوتگ انت۔
آئی ءَ گْوشتگ ما ھما درستیں مردم ءُ سیاسی گلانی منت ءَ گِریں کہ اے گرانیں وھد ءَ مئے ھمراھی ءَ اوشتاتگ اَنت ءُ مارا ھرچ وڑیں کمکے داتگ۔
پارٹی ءَ گْوشتگ وھدے کہ ما وتی دوئیں ھمراھانی یل بیگ ءَ وش ایں بلے زورانسری بیگواہ کنگ ءِ کار ءَ گوں ترندی ایر جن ایں ءُ مئے دگہ بیگواھیں ھمراھاں ھوار غنی بلوچ ءُ ثنا کھیتران بلوچ ءَ ھوار دراھیں درکانودی دزگیریں بلوچانی یلہ کنگ ءِ لوٹ کن ایں ۔
زانگ بہ بیت کہ ساحر بلوچ کہ ایشانی ھمراھی ءَ پہ زور بیگواہ کنگ بیتگ، انگت ءَ پاکستانی لشکر ءَ آوار جتگ کہ انگت ءَ بیگواہ انت۔