بلوچستان سرکار ءَ پیشین ءَ امن ءُ ایمنی ءِ جاورانی رد ءَ 144 بند آرگ ءِ جار 15 روچ ءِ واستا جتگ۔
محکمہ داخلہ بلوچستان ءِ نیمگ ءَ شنگ بوتگیں نوٹیفکیشن ءِ رد ءَ اے بندش داں 20 نومبر 2025 ءَ برجاہ مانیت۔
نوٹیفکیشن ءِ رد ءَ تَج 144 ءِ وھد ءَ پشین ءَ سلاہ ءِ پیشدارگ، دیوان، جلوس، دھرنا یا پنچ ءَ چہ گیش مردمانی مچی ءِ سر ءَ سرجمیں بندش جنگ بیت۔
زانگ بہ بیت کہ ایشی ءِ ساری ءَ یکم اگست ءَ سرجمیں اُستان ءَ امن ءُ ایمنی ءِ جاورانی دیم ءَ آرگ ءَ بلوچستان ءِ سرکار ءَ یکم اگست ءَ بگر داں 15اگست ءَ تَک 144 بندش جتگ ات کہ رند ءَ اے بند باز رند ءَ گیش کنگ بوتگ ات۔ گڈی ءَ داں 29 اگست ءَ بیتگ ات کہ 15 ستمبر ءَ برجاہ بیتگ-
دومی نیمگ ءَ 8 ستمبر ءَ اُستان ءِ بنجاھی شھر شال ءِ پولیس ءَ 100 ءَ چہ گیش زھرشانی کنوک دزگیر کتگ اَنت کہ آیاں مچیانی سر ءَ بندش ءِ ھلاپ ورزی کتگ ءُ زورانسری ءَ بازار بند کتگ ءُ دگ بند کتگ اَنت۔
شاپ ءِ سینئر سپرنٹنڈنٹ پولیس محمد بلوچ ءِ رد ءَ دزگیریں مردمانی ھلاپ ءَ کانود ءِ رد ءَ کارروائی کنگ بوتگ ۔
محکمہ داخلہ بلوچستان ءِ گشگ انت کہ تَک 144 ءِ ایر کنگ ءِ مول ءُ مراد پشین ءُ آئی ءِ کش ءُ گوراں امن ءُ ایمنی ءِ برجائی ءُ ھرچ وڑیں ناشریں وئیلانی دیم ءِ دارگ انت۔