اورماڑہ ءَ پاکستانی پوج ءِ چار کارندھانی کوش، دو ءِ ٹپی ءُ کوھلو ءَ کریش پلانٹ ءِ سر ءَ بیتگیں اُرش ءِ زمہ واری بی ایل ایف ءَ منّ اِتگ اَنت

بلوچستان لبریشن فرنٹ ءَ شنگ کتگیں درشان ءِ تہ ءَ گوشتگ کہ مئے سرمچاراں یک نومبر ءِ سُھب ءَ کساس ھشت ءِ نزیک ءَ اورماڑہ ءِ ھند کواری شھدگ سر ءَ زورگریں پاکستانی پوج ءِ کاروان ءَ ھوار یک گاڑی یے آئی ای ڈی بمب تراک ءِ نشانگ کتگ اَنت- اُرش ءِ آسر ءَ گاڑی سرجم ءَ تباہ بیتگ، وھدے کہ اشی ءَ سوار چار کارندہ جاہ پہ جاھی مرتگ اَنت ءُ آ دگہ ٹپی بیتگ اَنت- کاروان ءِ آ دگہ گاڑی وتی ھمراھیں کارندھانی رکینگ جاہ وت وئیلجاہ ءَ چہ تتکگ اَنت-

جارکش ءَ گوشتگ کاروائی ءِ سرجم کنگ ءَ پد سرمچار پہ سلامتی وتی مُھریں اوتاکاں واتر سر بیگ ءَ سوبمند بیتگ اَنت-

جارکش ءَ گوشتگ دگہ یک کاروائی یے بلوچستان لبریشن فرنٹ ءِ سرمچاراں سی یک اکتوبر ءَ کوھلو ءِ دمگ لاسئے زئی ءِ نزیک ءَ ببر تاک ھند سر ءَ یک بند ساچی شرکت سر ءَ اُرش کتگ- سرمچاراں اود ءَ ساڑی لیویز کارندہ کڈن کتگ اَنت کہ آ وت ءَ گستا بدار اَنت- بلے لیویز کارندھاں ھال دیگ ءَ اَبید سرمچارانی سر ءَ اُرش کتگ کہ چریشی ءِ پسّہ ءَ یک لیویز کارندھے جاہ پہ جاھی مرتگ ءُ دو ٹپی بیتگ اَنت-

جارکش ءَ گوشتگ بلوچستان لبریشن فرنٹ اورماڑہ ءَ زورگریں پاکستانی پوج ءُ کوھلو ءَ بند ساچی شرکت سر ءَ اُرشاں چار پوجی کارندھاں ھوار یک لیویز کارندھے کوش زمہ واری ءَ منّ اِیت-