بلوچستان ءِ دمگ کیچ ءِ ھند مند ءَ بیگواھیں مردمانی کھولانی نیمگ ءَ زھرشانی نندانک مروچی ششمی روچ ءَ ڈسٹرکٹ انتزامیہ ءِ نیمگ ءَ گپ ءُ تران ءَ پد ھلاس کنگ بیتگ-
اھوالانی رد ءَ انتزامیہ ءِ باسکانی نیمگ ءَ اتکگین مردمانی توک ءَ تمپ ءِ اسٹنٹ کمشنر شیھک بلوچ ءُ اے ڈی سی کیچ مقبول ناصر ءِ سدکی دیگ ءَ پد کھولاں وتی زھرشانی ھلاس کتگ-
ھالانی رد ءَ اتکگیں واکداراں گوشتگ ما یک ھپتگے ءِ توک ءَ شمئے مردماں یل کنائین انت ءُ چریشی ءَ پد کھولاں وتی زھرشانی نندانک آسر کتگ-
زانگ بہ بیت اے زھرشانی نندانک فھد، ھارون ءُ ھمود ءِ کھولانی نیمگ ءَ شش روچ پیش کنگ بیتگ کہ اود ءَ آیاں مند ءُ تربت ءَ ھوار کنوکیں دگ بند کتگ ءُ چریشی ءَ ھردوکیں نیمگاں گاڑیاں کتار لگ اتگ بیتگ انت-
کھولاں گوشتگ بیست ءُ سَے اکتوبر ءِ شپ ءِ ساھت سَے ءَ پاکستانی لشکر ءَ سَے ورنا فھد ء عثمان ، ھارون ء مھمد جان ءُ ھمود ء مھمد جان آوار جتگ ءُ بیگواہ کتگ انت کہ چریشی ءَ پد آیانی ھچ وڑیں اھوال نیست انت-