بلوچستان ءِ دمگ سوراب ءِ ھند گدر زرد ءِ دمگ ءُ آئی ءِ کش ءُ گوراں پوجی کارروائی برجاہ انت۔ دمگ ءَ لوگانی پٹ ءُ ھنڈ کنگ بیتگ انت وھدے کہ کوھانی سر ءَ فوجی ھیلی کاپٹر یکشل ءَ بال ءَ گندگ بیتگ انت۔
دمگی مردمانی رد ءَ گدر زرد اے وھد ءَ سرجمی ءَ پوج ءِ انگیر ءَ انت ءُ دمگ ءَ ترندین کرفیو ءِ جار جنگ بوتگ۔
دمگی مردمانی رد ءَ اے لشکری آپریشن نہ ایوک ءَ دمگی مردمانی تہ ءَ ترس ءُ بیم ودینگ بیتگ بلکیں انسانی ھکانی سنگینیں لگتمالی ءِ بوھگ ءَ اَنت۔ زالبول، زھگ ءُ پیریں مردم سکیں گرانیں جاوراں گوں آماچ انت-
دمگی مردماں گوشتگ ما چہ انسانی ھکانی گلاں دزبندی کنیں کہ آ گدر زرد ءُ آئی ءِ کش ءُ گوراں برجاھیں پوج کارروائیانی سر ءَ زوت دلگوش بہ کن اَنت، دانکہ بے گناھیں شھری مردمانی جان ءُ مال ءِ زمانت دیگ بہ بیت۔