بلوچستان ءِ دمگ ھاران ءَ سلاہ بندیں مردماں پاکستانی لشکر ءِ کاروان نشانگ جوڑ کتگ۔
ھاران ءِ دمگ لجے ءَ پورسز ءِ سر ءَ سنگر گپتگیں مردماں ھما وھد ءَ اُرش کتگ کہ فورسز ءِ سِی ءُ پنچ گاڑیانی کاروان پہ فوجی آپریشن ءَ دمگ ءَ دیم ءَ جنزگ ءَ بوتگ انت۔
دمگی مردمانی رد ءَ پورسز ءِ سئے گاڑی اُرش ءِ زد ءَ اتکگ انت کہ آیاں تاوان بوگ ءِ گمان انت-
اے درگت ءَ انگت ءَ واکداراں ھچ وڑیں ھال ءُ اھوال دیم ءَ نیاؤرتگ انت۔
ھمے وڑ ءَ بلوچستان ءِ دمگ کچھی ءَ مروچی دومی روچ ءَ ھم پوجی آپریشن برجاہ انت –
اھوالانی رد ءَ کچھی ءِ دمگ سنی ءِ جتا جتائیں جاھاں پاکستانی پوج ءِ آپریشن برجاہ انت-
اھوالانی رد ءَ اے آپریشن بیست ءُ ھشت اکتوبر ءَ بندات کنگ بیتگ انت کہ چریشاں پانچ، شیگ، سھرسنٹ ےُ کلیرانی ءِ ھند ھوار انت- دمگ ءَ روگ ءُ آیگی رھانی سر ءَ چیک پوسٹ جوڑینگ بیتگ انت-