بلوچستان ءِ دمگ کیچ ءِ ھند تمپ کُنشکلات ءَ پاکستانی لشکر ءِ کمک ءَ ریاستی ڈیتھ اسکواڈ ءَ آشوبی ء گشندہ استاد منھاج مکتار ءِ لوگ ءِ سر ءَ بیڑ برتگ۔ اھوالانی رد ءَ ریاستی ڈیتھ اسکواڈ ءِ کارندھاں اود ءَ جاڑیگیں زھگ ءُ زالبول ترسینتگ ءُ بیھار داتگ انت ءُ موبائل گون وت برتگ انت-
ھمے وڑ نزرآباد ءَ شھید عاصم ءِ گس ءِ سر ءَ ھم بیڑ برگ بیتگ کہ اود ءَ زالبول ءُ بیھار دیگ اَنت ءُ شھید عاصم ءِ لوگی ءَ را بیھار دیگ بیتگ کہ آ زھرشانیاں ھوار مہ بیت انت اگاں ناں گڑا جَنگ بہ ئے-
زانگ بہ بیت اے اولی رند نہ انت کہ استاد منھاج مکتار ءِ لوگ ءِ سر ءَ بیڑ برگ بوگ ءَ انت۔ چِد ءُ پیسر آئی ءِ لوگ ماندارگ ھم بیتگ انت، دستی بمب چگل دیگ ءُ تیرگواری ھم کنگ بیتگ انت-
بلوچستان ءَ ڈیتھ اسکواڈ کہ آئی ءَ لس سیاسی مھلوک ءِ گوشگ انت اے ٹولی پاکستانی پوج ءِ چیریں ادارھانی یک ٹولی ءِ بلوچستان ءَ بلوچ ورنایاں آوار جنگ، کُشگ ءُ چگل دیگ ءُ دگہ سلکاریاں دزمانجن انت-