بلوچستان ءَ پاکستانی پوج ءُ آئی ءِ داشتگیں ڈیتھ اسکواڈ کارمندانی زوراکی یکشل ءَ برجاہ ءَ اِنت پنجگور ءَ دو بیگواھیں ورنایانی لاش دزکپتگ اَنت-
گیشیں ھالانی رِد ءَ پنجگور ءِ دمگ چہ پروم ءَ دو مردمانی لاش دزکپتگ اَنت، دمگی مردمانی گوشگ اِنت کہ آ پاکستانی پوج ءُ دمگی ڈیتھ اسکواڈ کارندھاں آوار جتگ ءُ پد ءَ کُشتگ اَنت-
دمگی اِھوالکار ءِ رِد ءَ گوستگیں شپ ءَ کساس ساھت سے ءَ، پاکستانی پوج ءُ آئی ءِ ھمراھی ءَ کارکنوکیں ڈیتھ اسکواڈ کارندھاں پروم ءِ دمگ چہ جائین ءَ زھور ء عرض محمد آوار جتگ ءُ اشی ءَ پد آ بیگواہ بیتگ ءُ مروچی سُھب ءَ آئی ءِ لاش پروم ءِ دمگ “دز گومازی ” دزکپتگ-
اشی ءَ اَبید دگہ یک وئیلے دیم ءَ اَتکگ کہ پکیر جان ء گلام جان شمبے زئی نامیں مردمے ھژدہ اکتوبر ءِ شپ ءَ چہ گواش ءَ یک سرف گاڑی ءَ سواریں سلاہ بندیں مردماں چست کتگ- گوشگ بیگ ءَ اِنت اے ریاستی ڈیتھ اسکواڈ کارندھاں آوار جتگ ءُ آئی ءِ لاش گواش ءِ ھند سر ءَ چگل داتگ-
زانگ بہ بیت پنجگور ءَ چیزے مدتے بیتگ بیگواھیں مردمانی لاشانی دور دیگ ءِ درچ یکشل ءَ برجاہ ءَ اِنت-