صغیر بلوچ ءُ اقرار بلوچ ءِ آجوئی ءِ ھاتر ءَ آیانی کھولانی نیمگ ءَ زھرشانی کنگ بوتگ ءُ اھوالکاراں 15 روچ ءِ وھد داتگ اَنت۔ کھولاں گوشتگ کہ اگاں ایشانی آجوئی اے وھد ءَ نہ بوت گڑا آ وتی زھرشانی ءَ گیشتر کن اَنت۔
زھرشانی ءِ وھد ءَ کھولانی گوشگ اِنت کہ مکامی ڈپٹی کمشنر (ڈی سی) ءُ رکنِ اسمبلی (ایم پی) ءِ ایشاں گوشتگ کہ آ بلکل بے وس اَنت ءُ ایشانی واستا ھچ کت نہ کن اَنت۔ آیاں گیشتر گوشتگ کہ وھدے کہ آیاں ضلعی سطح ءَ زھرشانی ءِ جار جتگ گڑا لشکر ءِ اھوالکاراں کہ لھتے اھوالکار کرنل، میجر ءُ برگیڈئیر ءِ نیمگ ءَ چہ زھرشانی نہ کنگ ءِ پابندی دیگ بوتگ اَنت۔
کھولاں ساپ ساپ گوشتگ کہ اگاں اے وھد ءَ صغیر بلوچ ءُ اقرار بلوچ ءَ آجو مہ کن اِت گڑا ما وتی زھرشانی ءَ گیش چہ گیش مستر کنیں۔
زھرشانی ءِ سروک ءَ بینرز چست کتگ ءُ دانکہ آیانی آجوئی ءَ پشت نہ کنزگ ءِ وھدہ کتگ۔