بلوچستان ءِ جتاجتائیں دمگاں پاکستانی پوج ءِ سر ءَ تُرندیں اُرش سلاہ گاڑی برگ بیتگ اَنت

بلوچستان ءِ جتاجتائیں دمگ سوراب ءُ کلات ءَ پاکستانی پوج ءِ سر ءَ اُرش سلاہ ءُ گاڑی برگ بیتگ اَنت-

گیشیں ھالانی رِد ءَ بلوچستان ءِ دمگ سوراب تاریکی ڈیم ءِ دمگ ءَ درزنانی سلاہ بندیں مردماں اُرش کتگ ءُ دمگ وتی دستیگ کتگ-

چمّگدانی رِد ءَ اُرشکاراں دگ بند کتگ گوزوکیں گاڑی پٹ ءُ پول اے میان ءَ کسٹمز نشانگ کتگ-

بنداتی ھالانی رِد ءَ سلاہ بندیں مردماں کسٹمز ءِ دو سرکاری گاڑی، سلاہ ءُ دگہ سرکاری ساز ءُ سامان دستیگ کتگ اَنت وھدے کارندہ ھم دزگیر کتگ اَنت-

اِھوالکار ءِ گوشگ اِنت کہ سلاہ بندیں مردماں نزیکیں لیویز ءُ کسٹمز چیک پوسٹانی سر ءَ بیڑبرتگ اود ءَ ھستیں سلاہ ءُ دگہ سامان وتی دستیگ کتگ اَنت-

ھمے وڑ کلات ءِ دمگ پندران ءَ سلاہ بندیں مردماں پاکستانی پوج ءِ سر ءَ اُرش کتگ، اُرشکاراں پاکستانی پوج ءِ دو گاڑیاں ھوار سلاہ دگہ سامان وتی دستیگ کتگ اَنت-

انچش کلات ءَ ٹول پلازہ ءِ نزیک ءَ تُرندیں تیرگواری ءُ تراکانی توار اش کنگ بیتگ-

زانگ بہ بیت بلوچستان ءَ یکشل ءَ پاکستانی پوج ءِ سر ءَ سلاہ بندانی نیمگ ءَ اُرشانی دْرچ یکشل ءَ برجاہ ءَ اِنت-

اُرشانی زمہ واری انگت ھچ گل ءَ نہ زرتگ اَنت-