پنجگور ءُ کچھی ءَ پاکستانی پوج ءِ سر ءَ بمب تراک، سوبیدارے ءَ ھوار بازیں کارندہ بیران

بلوچستان ءِ دمگ پنجگور ءُ کچھی ءَ بمب تراکاں پاکستانی فوج نشانگ جوڑ کنگ بوتگ کہ ایشی ءِ تہ ءَ پاکستانی فوج ءِ سوبیدار ءَ ھوار بازیں کارندہ بیران بوتگ انت۔

مرچی سھب ءَ کچھی ءِ کولپور ءِ دمگ ءَ پاکستانی پوج ءِ بمب ڈسپوزل اسکواڈ ءِ آئی ای ڈی ءِ اُرش ءِ نشانگ جوڑ کنگ بوتگ وھدے کہ آ ریل ٹریک ءَ کلئرینس ءَ دزبند بیتگ-

دومی نیمگ ءَ کولپور ءَ ھم فورسز ءِ گاڑی نشانگ جوڑ کنگ بوتگ بلے اے درگت ءَ ھچ وڑیں ھال ءُ اھوال سر نہ بیتگ انت۔

دومی نیمگ ءَ پنجگور ءِ دمگ پروم ءَ پاکستانی پوج ءِ گاڑی وتی پوسٹ ءَ چہ درکپگ ءِ وھد ءَ ناشناساں آئی ای ڈی بمب تراکے ءِ نشانگ کتگ-

ھالانی رد ءَ تراک ءِ سبب ءَ فورسز ءِ سوبیدار عبدالرزاق ءَ ھوار بازیں کارندہ بیران بوتگ انت۔

واکداراں انگت ءَ اے اُرش ءِ بابت ءَ ھچ وڑیں ھال ءُ اھوال نہ داتگ۔