روکپتی بلوچستان ءِ دمگ ایرانشھر ءُ سراوان ءَ دو جاھانی سر ءَ ایرانی لشکر ءَ اُرش کتگ ءُ اود ءَ سلاہ بندانی جنگ ءِ ٹاہ داتگ-
ایرانی سرکاری رسانکدر ءِ رد ءَ اے اُرش ءَ کساسی سیزدہ سلاہ بندیں مردم کشگ بیتگ انت ءُ آیانی سیادی جیش العدل ءَ بندوکی ءِ نام داتگ انت-
شنگ بیتگیں اکس ءُ تامر بنداں گندگ بیت انت کہ اود ءَ میڑ ءَ کشگ بیتگیں مردمانی لاش گندگ بنت انت-
جیش العدل ءَ وتی درشان ءَ گوشتگ “ایرانی لشکر ءِ گون ءَ جنگ ءَ لھتے وت پھاز جنگ بیتگ انت بلے آیانی بابت ءَ گیشیں اھوالانی وداریگ گشتگ”-
لس اھوالانی رد ءَ ھوشک سراوان ءُ چاہ جمال ایرانشھر ءَ دو جاھانی سر ءَ ایرانی لشکر ءَ بمب ءُ ٹوپاں اُرش کتگ ءُ اود ءَ بے کساس ءَ دویں نیمگاں تیرگواری ءُ تراکانی توار بازیں وھدے ءَ اشکنگ بیتگ انت-
راستیں اھوالانی تہ ءَ تنی وھدی کشگ بیتگیں مردمانی بارو ءَ راستیں ھال دیم ءَ نیتکگ انت ءُ نانکہ مردمانی پجار بیتگ انت-