بلوچی ءُ براہوئی ءِ ورنائیں شاعر بسمل ندیم دیریں نادراھی ءَ پد بیران بوتگ۔ آ کینسر ءِ وڑیں جانکشیں نادراھی ءِ آماچ بوتگ ءُ الاج ءِ وھد ءَ چہ اے دگنیا ءَ رھادگ بوتگ۔
بسمل ندیم یونیورسٹی بلوچستان ءِ میڈیا اسٹڈیز ڈپارٹمنٹ ءِ نودربرے بوتگ۔ آئی ءَ وتی کسانیں اُمر ءَ ابید ھم شائری ءِ پڑ ءَ وتی نام ایر کتگ ءُ بلوچی ءُ براھوئی لبزانک ءِ سر ءَ جھلانکیں سان بکش اتگ۔ آئی ءِ شائری ءَ ورنایانی جزبگ، چاگردی جیڑہ، ءُ اُمیت ءُ دلیری ءِ اکس گندگ بوتگ۔
آئی ءِ براہوئی شائری ءِ کتاب ‘وادر’ چاپ بوتگ ۔
لبزانکی پڑ ءُ ھمراھیں نودربراں آئی ءِ بیرانی ءِ سر ءَ سکیں رنج ءُ گم ءِ درشانی کتگ ءُ گْوشتگ کہ بسمل ندیم یک رُژنائیں نبشتہ کاری ءِ چراگے بوتگ کہ چہ وھد ءَ پیسر سستگ ۔ آئی ءِ یات ءُ لبزانکی سرمایہ ابد زندگ مان ایت۔