اسلام آباد: بیگواھیں بلوچانی واستا زھرشانی نندانک ءَ 40 روچ سرجم

پاکستان ءِ بنجاھی شھر اسلام آباد ءَ بی وائی سی ءِ رھشون ءُ چہ بلوچستان ءَ دگہ بیگواھیں مردمانی ھاتر ءَ برجم بیتگیں زھرشانی نندانک ءَ چِل روچ سرجم بیتگ بیتگ انت-

زھرشانی بندیگانی یل کنگ ءُ کھولانی انساپ ءِ ھاتر ءَ برجم کنگ بیتگ – کہ تنی وھدی اے زھرشانی نندانک ءَ سرکاری رنگ ءَ کس گندوک ءَ نیتکگ –

زھرشانی نندانک ءِ بلوچ زالبول اَچ اسلام آباد پریس کلب ءِ دیم ءَ روگ ءَ ھم تنی وھدی ھِلگ نہ بیتگ انت-

ھمے وڑ گوستگیں روچ ءَ زھرشانی نندانک ءَ ھواریں بی وائی سی ءِ رھشون سمی دین ءَ اسلام آباد ءَ ڈیفیبس آف ھیومن رائٹس ءِ نیمگ ءَ برجم داشتگیں نیاد ءَ بھر زرتگ ءُ اود ءَ بیگواھیں مردمانی درگت ءَ تران کتگ –

سمی دین ءَ گوشتگ مروچی ءَ بازیں سال پیش منی پت یک میڈیکل آفسرے بیتگ کہ آ گرگ ءُ بیگواہ کنگ بیتگ ءُ روچ ء مروچی آ بیگواہ انت ءُ ایشی ءِ ھواری ءَ بلوچستان ءَ بازیں مات، زھگ، زال ھمے ڈولیں کسھانی آماچ انت-

بی وائی سی ءِ نیمگ ءَ شنگ بیتگیں درشان ءَ گوشگ بیتگ کہ اے زھرشانی ءَ آجزیں مات، زھگ ءُ کھول ھوار انت کہ اے ناوشیں موسم ءَ اد ءَ روڈ ءِ سر ءَ کپتگ ءُ ایشی ءِ ھواری ءَ مارا اد ءَ ترس ءُ بیھارانی دیمپانی انت-

آئی ءَ گوشتگ نیشنل پریس کلب ءِ دیم ءَ روگ ءِ ھک ءَ زبھر کنگ ءَ ابید ما اد ءَ پر ایمنی ءَ نشتگ ءُ وتی درداں درشان کنگ ءَ انت-