بلوچستان ءِ دمگ واشک ءِ ھند بسیمہ ءَ یک ویرانگیں جاھے ءَ چار تیر سپتگیں لاش دزکپتگ انت-
پولیس ءَ گشتگ کہ دمگی مھلوک ءَ دمگ ءَ 4 بے وارسیں لاش دیستگ انت، پولیس لاشانی جاہ ءَ سر بوتگ ءُ لاش دمگ ءِ نادراھجاہ ءَ سر کتگ انت۔
پولیس ءَ ڈاکٹرانی درور دیان ءَ گشتگ کہ چاریں لاشاں بازیں تیرانی نشان پِر بوتگ انت کہ گمان انت کہ ایشانی بیرانی ءِ سبب بوتگ۔
بیران بوتگیں مردمانی پجار انگت ءَ پدر نہ بوتگ انت بلے بنداتی ھالانی رد ءَ آ چہ سوراب ءِ دمگ ءَ سیادی دار اَنت۔
لس بنشونانی رد ءَ کُشگ بوتگیں مردم پاکستانی لشکر ءَ دروگیں انکاؤنٹر ءَ کُشتگ اَنت بلے اے گپ انگت ءَ پدر نہ بوتگ۔